സ്വാദേറും ഈന്തപ്പഴം ഫ്രൈ ഉണ്ടാക്കുന്നത് എങ്ങനെയെന്ന് നോക്കാം

മധുരം ഇഷ്ടമാണോ? എങ്കിൽ ഈന്തപ്പഴവും ഇഷ്ടമാകും. കുട്ടികൾ സ്കൂൾ വിട്ട് വന്നാൽ നാലുമണി നേരത്തെ ചായയ്ക്ക് പലഹാരമായി കഴിക്കാൻ കഴിയുന്ന ഒരു വിഭവമാണ് ഈന്തപ്പഴം ഫ്രൈ. ഇത് ഉണ്ടാക്കുന്നത് എങ്ങനെയെന്ന് നോക്കാം. 

ചേരുവകള്‍:

ഈന്തപ്പഴം - 150 ഗ്രാം (കുരുകളഞ്ഞത്)

മൈദ - 1/2 കപ്പ്

മുട്ട - 1

പഞ്ചസാര - 2 ടീസ്പൂണ്‍

തേങ്ങ - 1/4 കപ്പ്

പാകം ചെയ്യുന്ന വിധം:

ഈന്തപ്പഴം നന്നായി ചതച്ചെടുക്കുക. അല്പം വെള്ളം ചേര്‍ത്ത് മൈദയും പഞ്ചസാരയും കുഴയ്ക്കുക. അതിലേക്ക് കോഴിമുട്ട പതപ്പിച്ച് ചേര്‍ക്കുക. ചതച്ചു വച്ചിരിക്കുന്ന ഈന്തപ്പഴവും തേങ്ങയും ചെറിയ ഉരുളകളാ‍ക്കി കുഴച്ച മാവില്‍ മുക്കി തിളച്ച എണ്ണയില്‍ വറുത്തെടുക്കുക.