ട്രെയ്നുകളിൽ ബ്ലാക്ക് ബോക്സ് സംവിധാനം ഒരുക്കാൻ റെയിൽ‌വേ

വിമാനങ്ങളിലെ ബ്ലാക് ബോക്സിന് സമാനമായ പ്രത്യേക സംവിധാനം ട്രെയിനുകളിലും സജ്ജീകരിക്കാൻ ഒരുങ്ങി ഇന്ത്യൻ റെയിൽ‌വേ. യാത്രക്കാരുടെ സുരക്ഷ മുൻ‌നിർത്തിയാണ് ലോക്കോ ക്യാമ്പ് വോയിസ് റെക്കോർഡിങ് ( എൽ സി വി ആർ ) സ്ഥാപിക്കുന്നതെന്ന് എന്ന് റെയിൽ‌വേ ഉദ്യോഗസ്ഥരെ ഉദ്ധരിച്ച് വാർത്ത എജൻസിയായ എ എൻ ഐ റിപ്പോർട്ട് ചെയ്യുന്നു.

എൽ സി വി ആർ സ്ഥാപിക്കുന്നതിലൂടെ ട്രെയിൽ അപകടങ്ങളുടെ കാരണം മനസിലാക്കാനാകും. സാങ്കേതിക തകരാറു മൂലമാണോ അതോ ജീവനക്കാരുടെ ഭാഗത്തുനിന്നുമുണ്ടായ വീഴ്ച മൂലമാണോ അപകടം ഉണ്ടായത് എന്ന് കണ്ടെത്താൾ ഉൾപ്പടെ ഈ സംവിധാനത്തിലൂടെ സാധിക്കും ഇതിനയുള്ള സാങ്കേതികവിദ്യ റെയിൽ‌വേ വികസിപ്പിച്ചുകൊണ്ടിരിക്കുകയാണ് എന്നാണ് റിപ്പോർട്ടുകൾ.