Publish Date: Thu, 25 May 2023 (08:55 IST)
Updated Date: Thu, 25 May 2023 (08:58 IST)
IPL 2023: ഐപിഎല്ലില് വീണ്ടും എല്-ക്ലാസിക്കോ ഫൈനല് വരുമോ എന്ന് ആകാംക്ഷയോടെ കാത്തിരിക്കുകയാണ് ആരാധകര്. ഐപിഎല്ലില് ഏറ്റവും മികച്ച ഫ്രാഞ്ചൈസികളായ ചെന്നൈ സൂപ്പര് കിങ്സും മുംബൈ ഇന്ത്യന്സും ഫൈനലിലെത്താനുള്ള സാധ്യത വര്ധിച്ചിരിക്കുകയാണ്. ഒന്നാം ക്വാളിഫയറില് ഗുജറാത്ത് ടൈറ്റന്സിനെ തോല്പ്പിച്ച് ചെന്നൈ സൂപ്പര് കിങ്സ് ഫൈനലില് സ്ഥാനം ഉറപ്പിച്ചു കഴിഞ്ഞു.
ഒരു വിജയം അകലെ മാത്രമാണ് മുംബൈയുടെ ഫൈനല് മോഹം. രണ്ടാം ക്വാളിഫയറില് ഗുജറാത്തിനെ തോല്പ്പിച്ചാല് മുംബൈ ഇന്ത്യന്സിന് ഫൈനലിലെത്താന് സാധിക്കും. വെള്ളിയാഴ്ചയാണ് രണ്ടാം ക്വാളിഫയര്. ഇതില് മുംബൈ ജയിച്ചാല് ആരാധകര് കാത്തിരിക്കുന്നതുപോലെ എല്-ക്ലാസിക്കോ ഫൈനല് കാണാം. ഞായറാഴ്ചയാണ് ഫൈനല് നടക്കുക.