രാജ്യതലസ്ഥാനത്തേക്ക് ആർത്തിരമ്പി പിള്ളേരെത്തുന്നു; ജന്തർ മന്തർ 2.0 ലോഡിങ്, വിറയ്ക്കും മോദി

Protest against Gyanesh Kumar

ബിജെപി സർക്കാരിനെ വീണ്ടും പ്രതിരോധത്തിലാക്കാൻ ജെൻസീ തലമുറ ഇറങ്ങുന്നു. കോക്രോച്ച് ജനതാ പാർട്ടിയുടെ നേതൃത്വത്തിൽ മുഖ്യ തിരഞ്ഞെടുപ്പ് കമ്മിഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് രാജ്യവ്യാപക സമരത്തിലേക്ക്.

150 ലേറെ പേർ അറസ്റ്റിൽ 

ഗ്യാനേഷ് കുമാർ രാജിവയ്ക്കണമെന്ന് ആവശ്യപ്പെട്ട് ഇന്നലെ ഉച്ചകഴിഞ്ഞാണ് രാജ്യതലസ്ഥാനത്ത് പലയിടങ്ങളിലായി പ്രതിഷേധങ്ങൾ അരങ്ങേറിയത്. ജന്തർ മന്തറിൽ നിന്നും ദീൻ ദയാൽ ഉപധ്യായ മാർഗിൽ നിന്നുമായി വിദ്യാർഥികളും രാഷ്ട്രീയ നേതാക്കളും അടക്കം 150 ലേറെ പേരെ ഡൽഹി പൊലീസ് അറസ്റ്റ് ചെയ്തു. ഗ്യാനേഷ് കുമാർ മുഖ്യ തിരഞ്ഞെടുപ്പ് കമ്മിഷണർ സ്ഥാനം രാജിവയ്ക്കുക, എസ്.ഐ.ആർ നടപടികൾ നിർത്തിവയ്ക്കുക തുടങ്ങിയ ആവശ്യങ്ങളാണ് സമരക്കാർ ഉന്നയിക്കുന്നത്. 

ഒഴുകിയെത്തുന്നു സമരക്കാർ 

ഡൽഹിയിലേക്ക് നൂറ് കണക്കിനു വിദ്യാർഥികളാണ് പ്രതിഷേധ സമരത്തിനായി ഒഴുകിയെത്തുന്നത്. ഐസ, എസ്.എഫ്.ഐ തുടങ്ങിയ വിദ്യാർഥി സംഘടനകൾക്കൊപ്പം കോക്രോച്ച് ജനതാ പാർട്ടിയെ പിന്തുണയ്ക്കുന്ന വലിയൊരു വിഭാഗം വിദ്യാർഥികളും സമരത്തിൽ പങ്കാളികളാകുന്നു. ഇന്ന് മുതൽ സമരം കൂടുതൽ തീവ്രമായേക്കും. 

ജന്തർ മന്തർ 2.0 

രാജ്യവ്യാപകമായി മുഖ്യ തിരഞ്ഞെടുപ്പ് കമ്മീഷണർക്കെതിരെ പ്രതിഷേധം നടത്താനാണ് സിജെപിയുടെ ആലോചന. ചീഫ് ഇലക്ഷൻ കമ്മീഷണർ സ്ഥാനത്തുനിന്ന് ഗ്യാനേഷ് കുമാറിനെ നീക്കിയില്ലെങ്കിൽ ജന്തർ മന്തർ 2.0 സമരത്തിനാകും രാജ്യം സാക്ഷ്യംവഹിക്കുകയെന്ന് സിജെപി സ്ഥാപകൻ അഭിജിത് ദീപ്കെ പറയുന്നു.

സിജെപി പേടിയിൽ മോദി ഭരണകൂടം ! 

നീറ്റ് പരീക്ഷാ ചോദ്യപേപ്പർ ചോർച്ചയെ തുടർന്ന് വിദ്യാഭ്യാസ മന്ത്രിയായിരുന്ന ധർമേന്ദ്ര പ്രധാനെ നീക്കണമെന്നാവശ്യപ്പെട്ടാണ് സിജെപി ജന്തർ മന്തർ സമരം നടത്തിയത്. രാജ്യതലസ്ഥാനത്ത് യുവാക്കൾ തമ്പടിക്കുകയും സമരം ആളികത്തിയതോടെ ധർമേന്ദ്ര പ്രധാന് രാജിവയ്ക്കുകയും വേണ്ടിവന്നു. സമാന രീതിയിൽ ഗ്യാനേഷ് കുമാറിന്റെ രാജിക്കായി സിജെപി സമരം നടത്തുമെന്നാണ് മുന്നറിയിപ്പ്. 

ഗ്യാനേഷിനെതിരായ ആരോപണം 

എസ്ഐആറിലൂടെ രാജ്യത്താകെ 13 കോടിയിലേറെ വോട്ടർമാരെ വെട്ടിമാറ്റിയത് ഏകപക്ഷീയവും നിയമവിരുദ്ധവുമായാണെന്നാണ് മുഖ്യ തിരഞ്ഞെടുപ്പ് കമ്മിഷണർ ഗ്യാനേഷ് കുമാറിനെതിരായ ആരോപണം. തിരഞ്ഞെടുപ്പ് കമ്മിഷണർമാരായ വിവേക് ജോഷിയും സുഖ്ബിർ സിങ്ങും ഗ്യാനേഷ് കുമാറിന്റെ നീക്കങ്ങൾക്കെതിരെ രംഗത്തെത്തിയത് വലിയ വിവാദമായി. ഇതോടെ പ്രതിപക്ഷ പാർട്ടികളും ഗ്യാനേഷിനെ നീക്കണമെന്ന നിലപാടിലാണ്.