നിങ്ങളുടെ ദു:ഖത്തിൽ പങ്ക് ചേരുന്നു, നിങ്ങൾക്കൊപ്പം എന്തിനും ഞാനുണ്ട്: പൂന്തുറയിലെ ജനങ്ങളോട് വി എസ്

നിങ്ങൾക്കൊപ്പം ഞാനുണ്ട് - പൂന്തുറയിലെ ജനങ്ങളോട് വി.എസ്

ഓഖി ചുഴലിക്കാറ്റിനെ തുടര്‍ന്ന് ഉറ്റവര്‍ നഷ്ടപ്പെട്ടതില്‍ വേദന അനുഭവിക്കുന്ന പൂന്തുറയിലെ മത്സ്യത്തൊഴിലാളികൾക്ക് ആശ്വാസമേകാ‍ന്‍ വി എസ് അച്യുതാനന്ദൻ എത്തി. കാണാതായ മത്സ്യത്തൊഴിലാളികളെ കണ്ടെത്തുന്നതിനായുള്ള എല്ലാ സഹായവും സംസ്ഥാന സർക്കാർ  ചെയ്യുമെന്നും അതുവരെ താൻ അവിടുത്തെ ജനങ്ങളോടൊപ്പമുണ്ടാകുമെന്നും വി.എസ് പറഞ്ഞു.    

മത്സ്യത്തൊഴിലാളികളുടെ ദു:ഖത്തിൽ പങ്ക് ചേരുന്നു. അവര്‍ക്ക് കേന്ദ്ര -സംസ്ഥാന സർക്കാരുകളുടെ സഹായം വാങ്ങി നൽകുമെന്നും നിങ്ങളുടെ പരാതികൾ കേട്ടതു പോലെ തന്നെ വിഴിഞ്ഞത്തുള്ളവരേയും തനിക്ക് കാണേണ്ടതുണ്ടെന്നും വി എസ് പറഞ്ഞു. അതേസമയം, മുഖ്യമന്ത്രി പിണറായി വിജയൻ എത്തിയപ്പോഴുള്ള പ്രതിഷേധമൊന്നും വി എസിന് നേരിടേണ്ടി വന്നില്ല എന്നതും ശ്രദ്ധേയമാണ്.