Publish Date: Mon, 18 May 2020 (12:40 IST)
Updated Date: Mon, 18 May 2020 (13:13 IST)
ശക്തമായ മഴയിലും കാറ്റിലും വൈക്കത്ത് വ്യാപക നാശനഷ്ടം. റോഡുകളില്‍ മരങ്ങള്‍ വീണ് ഗതാഗതം തടസപ്പെട്ടു. കൂടാതെ വൈക്കം താലൂക്കില്‍ വൈദ്യുതി വിതരണവും തടസപ്പെട്ടു. വൈക്കം മഹാദേവ ക്ഷേത്രത്തിലെ അലങ്കാര ഗോപുരത്തിന് കേടുപാട് പറ്റിയിട്ടുണ്ട്.
വൈക്കത്ത് സി പി ഐ മണ്ഡലം കമ്മിറ്റി ഓഫീസിനും കേടുപറ്റി. ഇന്ന് ജില്ലയില്‍ യെല്ലോ അലര്‍ട്ട് പ്രഖ്യാപിച്ചിട്ടുണ്ട്. മഴയില്‍ പ്രദേശത്തെ 100ഓളം വീടുകള്‍ക്കാണ് കേടുപാടുകള്‍ പറ്റിയിരിക്കുന്നത്. പലയിടത്തും വൈദ്യുതി പോസ്റ്റുകള്‍ തകര്‍ന്നു വീണതിനാല്‍ ഇന്നലെ രാത്രി മുതല്‍ പ്രദേശങ്ങളില്‍ വൈദ്യുതി ഇല്ല.
