അറിയിപ്പ്: സംസ്ഥാനത്തെ റേഷൻ വിതരണം മുടങ്ങി

സംസ്ഥാനത്തെ റേഷൻ വിതരണം മുടങ്ങി. ഇ പോസ് സെർവറുകൾ തകരാറിലായതാണ് കാരണം. ഇന്ന് രാവിലെ മുതലാണ് മെഷീൻ തകരാറിലായത്. തകരാർ പരിഹരിച്ച് എപ്പോൾ സാധാരണ നിലയിൽ പ്രവർത്തനം പുനഃരാരംഭിക്കാമെന്ന കാര്യത്തിൽ അധികാരികൾ കൃത്യമായ അറിയിപ്പ് നൽകുന്നില്ല. 

മിക്കയിടങ്ങളിലും രാവിലെ റേഷൻ വാങ്ങാനെത്തിയവർ ദുരിതത്തിലായി. കട തുറന്ന് റേഷൻ വിതരണത്തിനായി ഇ പോസ് മെഷീൻ ഓണാക്കിയപ്പോഴാണ് തകരാറിലായ വിവരം റേഷൻ വ്യാപാരികൾ അറിയുന്നത്. മെഷീനിൽ വ്യാപാരിയുടെ വിരൽ പതിപ്പിച്ച് വിതരണ സംവിധാനത്തിലേക്ക് പ്രവേശിക്കാൻ കഴിയുന്നില്ലെന്ന് മാത്രമല്ല, മാന്വൽ ആയിപ്പോലും കാർഡുടമകൾക്ക് ഭക്ഷ്യധാന്യങ്ങൾ നൽകാൻ കഴിയാത്ത സ്ഥിതിയിലായി.