സംസ്ഥാനത്തെ സ്‌കൂളുകള്‍ക്ക് നാളെ അവധിയില്ല; പ്രവൃത്തിദിനം
ഈ മാസം 24-ാം തീയതി ആരംഭിക്കുന്ന പരീക്ഷയ്ക്കു ശേഷം സെപ്റ്റംബര്‍ രണ്ടിന് ഓണാഘോഷത്തോടെ സ്‌കൂളുകള്‍ അടയ്ക്കും
Publish Date: Fri, 19 Aug 2022 (12:34 IST)
Updated Date: Fri, 19 Aug 2022 (12:48 IST)
സംസ്ഥാനത്തെ സ്‌കൂളുകള്‍ക്ക് നാളെ (ഓഗസ്റ്റ് 20, ശനി) അവധിയില്ല. സ്‌കൂളുകള്‍ക്ക് നാളെ പ്രവൃത്തിദിനമായിരിക്കുമെന്ന് പൊതുവിദ്യാഭ്യാസ വകുപ്പ് അറിയിച്ചു. ശക്തമായ മഴയെത്തുടര്‍ന്ന് സ്‌കൂളുകള്‍ക്ക് പല ദിവസങ്ങളിലും അവധി നല്‍കിയതിനാല്‍ പാഠഭാഗങ്ങള്‍ തീരാത്ത സാഹചര്യത്തിലാണ് നാളെ ക്ലാസുകള്‍ നടത്തുന്നത്. ഈ മാസം 24-ാം തീയതി ആരംഭിക്കുന്ന പരീക്ഷയ്ക്കു ശേഷം സെപ്റ്റംബര്‍ രണ്ടിന് ഓണാഘോഷത്തോടെ സ്‌കൂളുകള്‍ അടയ്ക്കും. 12 നാണ് സ്‌കൂളുകള്‍ വീണ്ടും തുറക്കുന്നത്.
