ആദ്യം കാറിലിടിച്ച് വീണു, അധികം വൈകാതെ തന്നെ കെ എസ് ആർ ടി സി ബസിനടിയിലേക്ക് ഇടിച്ച് കയറി, അത്ഭുതകരമായി രക്ഷപ്പെട്ട് സ്കൂട്ടർ യാത്രിക

തിരുവനന്തപുരം: തിരക്കേറിയ റോഡില ആദ്യം കാറിലിടിച്ച് സ്കൂട്ടർ യാത്രക്കാരി വീണു. ഈ അപകടത്തിൽ പരിക്കുകളൊന്നം പറ്റാതെ തന്നെ യുവതി രക്ഷപ്പെട്ടു. എന്നാൽ അപകടത്തിൽ നിന്നും എഴുന്നേൽപ്പിച്ച് വീണ്ടും യാത്ര തുടരവെ കെ എസ് ആർ ടി ബസിനടിയിലേക്ക് സ്കൂട്ടർ ഇടിച്ചു കയറി. സംഭവത്തിന്റെ ദൃശങ്ങൾ ഇപ്പോൾ സാമൂഹ്യ മാധ്യമങ്ങളിലൂടെ പ്രചരിക്കുന്നുണ്ട്. 

വർക്കല കല്ലമ്പലം ഭാഗത്താണ് അപകടം ഉണ്ടായത്. ആദ്യത്തെ അപകടത്തിൽ യുവതിക്ക് പരിക്കുകളേറ്റില്ല എന്നാൽ കെ എസ് ആർ ടി സി ബസിനടിയിലേക്ക് ഇടിച്ച് കയറിയതോടെ യുവതിയുടെ കയ്യിനും തലക്കും പരിക്കേറ്റു. ഇതോടെ ഇവരെ നാട്ടുകാർ ചേർന്ന് ആശുപത്രിയിലാക്കി. വർക്കല പാലച്ചിറ സ്വദേശിനിയാണ് അപകടത്തിൽപെട്ടിരിക്കുന്നത്.