അയാള്‍ ഞങ്ങള്‍ക്ക് ഒരു ബഹുമാനവും തന്നില്ല; നെതര്‍ലന്‍ഡ്‌സ് പരിശീലകനെതിരെ മെസി

നെതര്‍ലന്‍ഡ്‌സ് പരിശീലകന്‍ വാന്‍ ഗാലിനെതിരെ അര്‍ജന്റീന നായകന്‍ മെസി. കളിക്ക് മുന്‍പ് ഡച്ച് പരിശീലകന്‍ അര്‍ജന്റീന താരങ്ങള്‍ക്ക് ഒരു ബഹുമാനവും തരാത്ത രീതിയിലാണ് സംസാരിച്ചിരുന്നതെന്ന് മെസി പറഞ്ഞു. കളിക്കിടെ പലപ്പോഴും മെസി വാന്‍ ഗാലിനോട് തട്ടിക്കയറിയിരുന്നു. ഇതേ കുറിച്ച് ചോദിച്ചപ്പോഴാണ് മെസിയുടെ പ്രതികരണം. 

' വാന്‍ ഗാല്‍ ഞങ്ങള്‍ക്ക് യാതൊരു ബഹുമാനവും നല്‍കാതിരുന്നത് പോലെ എനിക്ക് തോന്നി. ചില ഡച്ച് താരങ്ങള്‍ കളിക്കിടെ പ്രകോപിപ്പിക്കുന്ന താരത്തില്‍ സംസാരിച്ചിരുന്നു' മെസി പറഞ്ഞു. ഞങ്ങള്‍ മുന്നോട്ട് പോകാന്‍ അര്‍ഹരാണ്. അതുകൊണ്ട നെതര്‍ലന്‍ഡ്‌സിനെതിരെ തങ്ങള്‍ ജയിച്ചെന്നും മെസി പറഞ്ഞു.