സുരേഷ് ഗോപിയുടെ സര്‍പ്രൈസ് ഓര്‍ഡര്‍, ധന്യ ഹാപ്പി,300 മുഴം മുല്ലപ്പൂവ് കോയമ്പത്തൂരില്‍ നിന്ന് എത്തി, ഭാഗ്യയുടെ കല്യാണ വിശേഷങ്ങള്‍

suresh gopi daughter wedding

കണ്ണുകളെല്ലാം ഗുരുവായൂരമ്പല നടയിലേക്കാണ്. സുരേഷ് ഗോപിയുടെ(Suresh Gopi) മകള്‍ ഭാഗ്യാ സുരേഷിന്റെ (Bhagya Suresh) കല്യാണം കാണാനായി കാത്തിരിക്കുകയാണ് ആരാധകരും. വിവാഹത്തിന്റെ ഒരുക്കങ്ങള്‍ പോലും വാര്‍ത്തകളില്‍ നിറഞ്ഞു. 

അടുത്തിടെ ഗുരുവായൂര്‍ അമ്പലനടയില്‍ കൈകുഞ്ഞുമായി എത്തി പൂകെട്ടി വില്‍ക്കുന്ന അമ്മയെ കുറിച്ച് വാര്‍ത്തകളിലൂടെ നമ്മളെല്ലാം അറിഞ്ഞതാണ്. ധന്യയെ സുരേഷ് ഗോപിയും കല്യാണസമയത്ത് മറന്നില്ല. ഭാഗ്യയുടെ വിവാഹത്തിനായുള്ള മുല്ലപ്പൂവിനെ ഓര്‍ഡര്‍ ധന്യക്ക് നല്‍കിയിരിക്കുകയാണ് സൂപ്പര്‍ താരം.300 മുഴം പൂവാണ് സുരേഷ് ഗോപി ഓര്‍ഡര്‍ ചെയ്തത്. വലിയ ഓര്‍ഡര്‍ കിട്ടിയ സന്തോഷം തീരും മുന്‍പേ മറ്റൊരു സര്‍പ്രൈസ് കൂടി ധന്യക്ക് മുന്നിലെത്തി. 

വലിയ ഓര്‍ഡര്‍ കിട്ടിയെങ്കിലും കഴിഞ്ഞ ദിവസവും തന്നെ പതിവുപോലെ മുല്ലപ്പൂ കച്ചവടത്തിന് എത്തി. പ്രധാനമന്ത്രി വരുന്നതോടെ വഴിയോരക്കച്ചവടത്തിന് നിയന്ത്രണം ഏര്‍പ്പെടുത്തിയിട്ടുണ്ട്.

300 മുഴം പൂവാണ് സുരേഷ് ഗോപി ഓര്‍ഡര്‍ ചെയ്തതെങ്കിലും കുറവ് വരാന്‍ പാടില്ലെന്ന് കരുതി കൂടുതല്‍ പൂവ് ധന്യ വരുത്തിയിട്ടുണ്ട്. കോയമ്പത്തൂരില്‍ നിന്നാണ് പൂക്കള്‍ എത്തിച്ചത്. തീര്‍ന്നില്ല അപ്പോഴേക്കും റോസാപുഷ്പങ്ങളുടെ ഓര്‍ഡര്‍ കൂടി ലഭിച്ചു.പ്രധാനമന്ത്രി വധൂവരന്മാരെ അനുഗ്രഹിക്കാനുള്ള പൂക്കളാണിത്. ഇതളുകളായി വേണം നല്‍കുവാന്‍.

 ശ്രേയസ് മോഹനാണ് ഭാഗ്യാ സുരേഷ് ഗോപിയുടെ വരന്‍. ഇരുവരുടെയും പ്രണയ വിവാഹമാണ്.ശ്രേയസ് ബിസിനസുകാരനാണ്.