അമ്മയുടെ കുളിമുറിയിൽ ഒളിഞ്ഞുനോക്കിയ സുഹൃത്തിനെ യുവാവ് കഴുത്തറുത്ത് കൊന്നു
അമ്മയുടെ കുളിമുറിയിൽ ഒളിഞ്ഞുനോക്കിയ സുഹൃത്തിനെ യുവാവ് കഴുത്തറുത്ത് കൊന്നു
അമ്മയുടെ കുളിമുറിയിൽ ഒളിഞ്ഞുനോക്കിയ സുഹൃത്തിനെ യുവാവ് കഴുത്തറുത്ത് കൊന്നു. കൃത്യത്തിന് ശേഷം ഇയാൾ പൊലീസിന് മുന്നിൽ കീഴടങ്ങി. ഹൈദരാബാദിലെ സെരിലിംഗപള്ളിയിലാണ് സംഭവം.
ഒരു മാസം മുമ്പാണ് കൊലയ്‌ക്ക് ആ‍ധാരമായ സംഭവമുണ്ടായത്. അമ്മയുടെ കുളിമുറിയിൽ ഒളിഞ്ഞുനോക്കിയ സുഹൃത്തിനെ യുവാവ് പിടികൂടുകയും വഴക്കുണ്ടാക്കുകയും ചെയ്‌തിരുന്നു. കൂടുതല്‍ പ്രശ്‌നങ്ങളിലേക്ക് കടക്കുന്നതിന് മുമ്പ് ഇക്കാര്യം പറഞ്ഞവസാനിപ്പിക്കുകയും ചെയ്‌തു.
കഴിഞ്ഞ ദിവസം ഇരുവരും ഒരുമിച്ചിരുന്നു മദ്യപിക്കുന്നതിനിടെ കുളി മുറിയില്‍ ഒളിഞ്ഞു നോക്കിയ സംഭവത്തെക്കുറിച്ച് സംസാരമുണ്ടാകുകയും കൈയില്‍ കരുതിയിരുന്ന കത്തി ഉപയോഗിച്ച് പ്രതി സുഹൃത്തിനെ കൊലപ്പെടുത്തുകയുമായിരുന്നു.
കഴുത്തില്‍ ആഴത്തിലുള്ള മുറിവേറ്റ യുവാവ് സംഭവസ്ഥലത്തു വെച്ചു മരിച്ചുവെന്നാണ് റിപ്പോര്‍ട്ട്. കൊലയ്‌ക്ക് ശേഷം പ്രതി പൊലീസ് സ്‌റ്റേഷനില്‍ എത്തി കൊലപാതക വിവരം പറയുകയും കീഴടങ്ങുകയുമായിരുന്നു.
