ശ്രീലങ്കക്കെതിരായ രണ്ടാം ടി20 മത്സരത്തില്‍ ടോസ് നേടിയ ഇന്ത്യ ഫീല്‍ഡിംഗ് തിരെഞ്ഞെടുത്തു. ആദ്യ ടി20യില്‍ കളിക്കാതിരുന്ന മലയാളി താരം സഞ്ജു സാംസണ്‍ ടീമിലുണ്ട്. ഉപനായകന്‍ ശുഭ്മാന്‍ ഗില്ലിന് പരിക്കേറ്റതിനെ തുടര്‍ന്നാണ് സഞ്ജുവിന് അവസരം ഒരുങ്ങിയത്. ഇതോടെ ഇന്ത്യന്‍ ടീമില്‍ സഞ്ജു ജയ്‌സ്വാളിനൊപ്പം ഇന്നിങ്ങ്‌സ് ഓപ്പണ്‍ ചെയ്‌തേക്കും. മറ്റ് മാറ്റങ്ങളൊന്നും തന്നെ ടീമിലില്ല,
അതേസമയം ദില്‍ഷന്‍ മധുഷങ്കയ്ക്ക് പകരം രമേഷ് മെന്‍ഡിസ് ശ്രീലങ്കന്‍ ടീമിലെത്തി. 3 ടി20 മത്സരങ്ങളടങ്ങിയ പരമ്പരയില്‍ ഇന്ത്യ 1-0ന് മുന്നിലാണ്. കഴിഞ്ഞ ടി20യില്‍ 43 റണ്‍സിന് ഇന്ത്യ വിജയിച്ചിരുന്നു. ഇന്ന് വിജയിക്കാനായാല്‍ പരമ്പര സ്വന്തമാക്കാന്‍ ഇന്ത്യയ്ക്ക് സാധിക്കും.
