Daily Horoscope

Select Your Language

Notifications

webdunia
webdunia
webdunia
webdunia

പരിശീലന സെഷനിലും സഞ്ജു തന്നെ താരം; ഇത് 'കേരളത്തിന്റെ സൂപ്പര്‍മാന്‍' (വീഡിയോ)

ഇന്ത്യന്‍ താരങ്ങളെ രണ്ട് ടീമുകളായി തിരിച്ച് നടത്തിയ ഫീല്‍ഡിങ് പരിശീലനത്തിന്റെ പ്രസക്ത ഭാഗങ്ങളാണ് വീഡിയോയില്‍ ഉള്ളത്

Sanju Samson
Sanju Samson

ശ്രീലങ്കയ്‌ക്കെതിരായ ട്വന്റി 20 പരമ്പരയിലെ ആദ്യ മത്സരത്തിനായി ഇന്ത്യ ഇന്നിറങ്ങുകയാണ്. മലയാളി താരം സഞ്ജു സാംസണ്‍ ടി20 ടീമില്‍ ഇടം പിടിച്ചിട്ടുണ്ട്. ഇന്നത്തെ പ്ലേയിങ് ഇലവനില്‍ സഞ്ജു ഉണ്ടാകുമോ എന്നാണ് ആരാധകര്‍ ഉറ്റുനോക്കുന്നത്. അതിനിടയിലാണ് ഇന്ത്യന്‍ ക്രിക്കറ്റ് ടീമിന്റെ ശ്രീലങ്കയിലെ പരിശീലന വീഡിയോ സോഷ്യല്‍ മീഡിയയില്‍ വൈറലായിരിക്കുന്നത്. ഈ വീഡിയോയിലെ താരം സഞ്ജു തന്നെയാണ്. കിടിലന്‍ ഡൈവിങ് ക്യാച്ചിലൂടെ സഞ്ജു സഹതാരങ്ങളെ അടക്കം ഞെട്ടിച്ചിരിക്കുകയാണ്. 
 
ഇന്ത്യന്‍ താരങ്ങളെ രണ്ട് ടീമുകളായി തിരിച്ച് നടത്തിയ ഫീല്‍ഡിങ് പരിശീലനത്തിന്റെ പ്രസക്ത ഭാഗങ്ങളാണ് വീഡിയോയില്‍ ഉള്ളത്. ഇന്ത്യയുടെ മുഖ്യ പരിശീലകന്‍ ഗൗതം ഗംഭീര്‍, ഫീല്‍ഡിങ് പരിശീലകന്‍ ടി.ദിലിപ് എന്നിവരെയും വീഡിയോയില്‍ കാണാം. ഹാര്‍ദിക് പാണ്ഡ്യയും സൂര്യകുമാര്‍ യാദവും തമ്മിലുള്ള സൗഹൃദ നിമിഷങ്ങളും വീഡിയോയില്‍ ഉണ്ട്. 

വീഡിയോയുടെ അവസാനത്തിലാണ് ഫുള്‍ ഫ്‌ളെഡ്ജ്ഡ് ഡൈവിങ്ങിലൂടെ സഞ്ജു ഒരു ക്യാച്ചെടുക്കുന്നത്. സഹതാരങ്ങള്‍ പോലും സഞ്ജുവിന്റെ ഡൈവിങ് ക്യാച്ചില്‍ ഞെട്ടിപ്പോയി. അത്രത്തോളം അനായാസമാണ് സഞ്ജു പന്ത് കൈപ്പിടിയിലാക്കുന്നത്. മലയാളികള്‍ അടക്കം നിരവധി പേരാണ് വീഡിയോയ്ക്കു താഴെ സഞ്ജുവിന്റെ ക്യാച്ചിനെ പ്രശംസിച്ച് കമന്റ് ചെയ്തിരിക്കുന്നത്. 
 

Share this Story:

Follow Webdunia malayalam

അടുത്ത ലേഖനം

വനിത ഏഷ്യാ കപ്പ്: ഫൈനലില്‍ ഇന്ത്യക്ക് എതിരാളികള്‍ ശ്രീലങ്ക, മത്സരം നാളെ