സര്‍പ്രൈസ് കാസ്റ്റ് ലിസ്റ്റ്,സ്‌പെഷലിസ്റ്റുകളായ ഒരു സാങ്കേതിക സംഘം, ജയസൂര്യയുടെ 'കത്തനാര്‍'

വര്‍ഷങ്ങളുടെ കാത്തിരിപ്പാണ്. സംവിധായകന്‍ റോജിന്‍ തോമസിനെ സംബന്ധിച്ചിടത്തോളം കത്തനാര്‍ എന്ന സിനിമ. രണ്ടുവര്‍ഷത്തെ പ്രീ-പ്രൊഡക്ഷന്‍ ജോലികള്‍ പൂര്‍ത്തിയാക്കിയാണ് സംവിധായകനും സംഘവും ചിത്രീകരണത്തിലേക്ക് കടക്കുന്നത്. തീര്‍ന്നില്ല സിനിമ പ്രേമികളെ ആവേശത്തില്‍ ആക്കുന്ന ചില വിവരങ്ങള്‍ കൂടി സംവിധായകന്‍ കൈമാറി.

സ്‌പെഷലിസ്റ്റുകളായ ഒരു സാങ്കേതിക സംഘം തന്നെ ടീമിനൊപ്പം മുണ്ട്. സര്‍പ്രൈസ് കാസ്റ്റ് ലിസ്റ്റ്, ഓവര്‍-ദി-ടോപ്പ് ആക്ഷന്‍ കൊറിയോഗ്രാഫി എന്നിവ കാഴ്ചക്കാരെ ഞെട്ടിക്കും എന്ന് ഉറപ്പാണ്.ഏഴ് ഭാഷകളില്‍ ചിത്രം പുറത്തിറങ്ങും.

ഏപ്രില്‍ 10 മുതല്‍ ഗോകുലം മൂവീസ് ഈ ചിത്രത്തിനായി മാത്രം നിര്‍മ്മിച്ച 45,000 ചതുരശ്ര അടി മോഡുലാര്‍ ഷൂട്ടിംഗ് ഫ്‌ലോറിലാണ് 200 ദിവസത്തെ ഷൂട്ടിംഗ് ഉണ്ടാകുമെന്ന് സംവിധായകന്‍ പറഞ്ഞു. വെര്‍ച്വല്‍ പ്രൊഡക്ഷന്‍ ടെക്‌നോളജി ഉപയോഗപ്പെടുത്തുന്നത്. ഇന്ത്യന്‍ ഫിലിം ഇന്‍ഡസ്ട്രിയില്‍ ഇത് ആദ്യമായാണെന്നും സംവിധായകന്‍ ഓര്‍മിപ്പിച്ചു.