'ചിന്തിക്കാന്‍ പോലും കഴിയാത്ത അപകടം ആകുമായിരുന്നു'; മിഷന്‍ സി ഷൂട്ടിങ് സമയത്ത് കൈലാഷിന് ഉണ്ടായ അപകടത്തെക്കുറിച്ച് വിനോദ് ഗുരുവായൂര്‍, വീഡിയോ

വിനോദ് ഗുരുവായൂര്‍ സംവിധാനം ചെയ്യുന്ന ഏറ്റവും പുതിയ ചിത്രമാണ് മിഷന്‍ സി.കൈലാഷ്, അപ്പാനി ശരത് എന്നിവര്‍ കേന്ദ്രകഥാപാത്രമായി എത്തുന്ന ത്രില്ലര്‍ ചിത്രം കൂടിയാണിത്.ക്യാപ്റ്റന്‍ അഭിനവായാണ് കൈലാഷ് വേഷമിടുന്നത്. ചിത്രീകരണ സമയത്ത് ഉണ്ടായ ഒരു അപകടത്തെക്കുറിച്ച് പറയുകയാണ് സംവിധായകന്‍ വിനോദ് ഗുരുവായൂര്‍.

വിനോദ് ഗുരുവായൂരിന്റെ വാക്കുകളിലേക്ക് 

Mission c യുടെ ഷൂട്ട് നടക്കുന്ന സമയത്തു കൈലാഷ് ഒരു വലിയ അപകടത്തില്‍ പെട്ടു പോയിരുന്നു. കൈലാഷിനെ വലിച്ചു പൊക്കിയിരുന്ന ഒരു റോപ് പെട്ടെന്ന് പൊട്ടുകയും കൈലാഷ് ബസ്സില്‍ വന്നിടിക്കുകയും ചെയ്തു. കുറച്ചു കൂടെ പുറകില്‍ നിന്നും വലിച്ചു വിടേണ്ട ആ സീക്വന്‍സ്, പുറകിലേക്ക് വലിക്കുമ്പോള്‍ തന്നെ പൊട്ടുകയായിരുന്നു. 

കുറച്ചു കൂടെ പുറകില്‍ നിന്നുമാണ് അത് പൊട്ടിയിരുന്നെങ്കില്‍ അന്ന് സംഭവിക്കുന്നത് ചിന്തിക്കാന്‍ പോലും കഴിയാത്ത അപകടം ആകുമായിരുന്നു. കാല്‍മുട്ടിന് കുറച്ചു പരിക്കുകള്‍ അന്ന് കൈലാഷിനു പറ്റിയിരുന്നു.മിഷന്‍ സി യുടെ സെന്‍സര്‍ അടുത്ത ദിവസം ചാര്‍ട്ട് ചെയ്തിരിക്കുന്നു. സെന്‍സര്‍ കഴിഞ്ഞാല്‍ റിലീസ് ഡേറ്റ് അറിയിക്കുന്നതാണ്. തിയേറ്റര്‍ റിലീസ് എന്ന ആഗ്രഹം ഇപ്പോഴും മനസ്സിലുണ്ട്.