Publish Date: Mon, 18 Oct 2021 (09:56 IST)
Updated Date: Mon, 18 Oct 2021 (09:58 IST)
നടന് നെടുമുടി വേണുവിന്റെ ഓര്മ്മകളിലാണ് സംവിധായകന് ഭദ്രന്. ഇനിയും എത്രയോ കഥാപാത്രങ്ങള് ബാക്കിയാക്കിയാണ് അദ്ദേഹം യാത്രയായത്.സ്ഫടികത്തിലെ നെടുമുടിയുടെ സംഭാവനയെക്കുറിച്ച് പറയുകയാണ് സംവിധായകന്.
'എന്റെ വേണു, നിങ്ങളുടെ വേര്പാട് സത്യമോ മിഥ്യയോ?
എനിക്ക് ഇത്രയും ദിവസങ്ങള് കഴിഞ്ഞിട്ടും വിശ്വസിക്കാനാകുന്നില്ല...
ആ തിക്കുമുട്ടലില് ഞാന് ഓര്ത്തുപോകുന്നു...
അങ്ങയുടെ സംഭാവന ആയിരുന്നു സ്പടികത്തിലെ ആ രണ്ടു വാക്കുകള്.
'ചുവപ്പിന് ചോര എന്നുകൂടി അര്ത്ഥമുണ്ട് മാഷേ...'
ആ വാക്കുകള് എഴുതി ചേര്ത്തപ്പോള് വേണു അറിഞ്ഞിരുന്നില്ല ചാക്കോ മാഷിന്റെ അന്ത്യം വെടി കൊണ്ട് കൊല്ലപ്പെടാന് ആയിരുന്നുവെന്ന്.പ്രണാമം'- ഭദ്രന് കുറിച്ചു.
