അഞ്ച് മിനിട്ട് കൊണ്ട് റെഡിയാക്കാം തക്കാളി ചമ്മന്തി

തക്കാളി ചമ്മന്തിക്ക് വെറും അഞ്ച് മിനിട്ട്

ഇന്നത്തെ ജീവിതം വളരെ തിരക്കേറിയതാണ്. ഭക്ഷണം ഉണ്ടാക്കുന്നതിനു പോലും സമയം കിട്ടാത്ത സാഹചര്യമാണ് പലര്‍ക്കും. പെട്ടെന്നുണ്ടാക്കാവുന്ന വിഭവങ്ങള്‍ക്ക് അപ്പോഴാണ് പ്രസക്തി കൈവരുന്നത്. ഇതാ ദോശയ്ക്കും മറ്റും കൂട്ടിക്കഴിക്കാന്‍ പെട്ടെന്ന് ഉണ്ടാക്കാവുന്ന തക്കാളി ചമ്മന്തി. 

ചേര്‍ക്കേണ്ടവ:

തക്കാളി- 4 എണ്ണം

ചുവന്ന ഉള്ളി (തൊലി കളഞ്ഞത്) - 5 എണ്ണം

പച്ചമുളക് - രണ്ടെണ്ണം

വറ്റല്‍ മുളക് - നാലെണ്ണം

വെളിച്ചെണ്ണ - ഒന്നര സ്പൂണ്‍

ഉപ്പ്, കറിവേപ്പില്ല - ആവശ്യത്തിന്

ഉണ്ടാക്കേണ്ടവിധം:

പച്ചമുളക്, വറ്റല്‍ മുളക്, കറിവേപ്പില, ഉപ്പ എന്നിവ നന്നായി അരച്ചെടുക്കുക. അതിനുശേഷം ഉള്ളിയും തക്കാളിയും അതിലിട്ട് അരച്ചെടുക്കുക. വെള്ളിച്ചെണ്ണ നന്നായി ചൂടാക്കി എടുത്ത ശേഷം അരപ്പ് അതില്‍ ചേര്‍ത്ത് ഉപയോഗിക്കാം. 5 മിനിട്ടുകൊണ്ട് തക്കാളി ചമ്മന്തി റെഡി.