'നീയൊരു മുസ്ലീം അല്ലേ, നായയുടെ അത്ര ബുദ്ധി ഇല്ലേ നിനക്ക്': ദുൽഖറിനെതിരെ രൂക്ഷ വിമർശനം

നടൻ ദുൽഖർ സൽമാൻ സോഷ്യൽ മീഡിയയിൽ സജീവമാണ്. ഇൻസ്‌റ്റാഗ്രാമിലാണെങ്കിലും ഫേസ്‌ബുക്കിലാണെങ്കിലും താരം ഇടയ്‌ക്കിടെ ഫോട്ടോകളും മറ്റും ആരാധകർക്കായി പങ്കിടാറുണ്ട്. അങ്ങനെ കുഞ്ഞിക്ക പങ്കിട്ട ഒരു ഫോട്ടോയാണ് ഇപ്പോൾ സോഷ്യൽ മീഡിയയിൽ ചർച്ച.

വളർത്തുനായയായ 'ഹണി'യുടെ കൂടെയുള്ള ചിത്രമാണ് കുഞ്ഞിക്ക പോസ്‌റ്റുചെയ്‌തത്. 'അറിയാവുന്നവര്‍ക്ക് മനസിലാകും ഇത് എത്ര വലിയ സംഗതിയാണെന്ന്. കുട്ടിയായിരുന്ന കാലത്ത് നായകളെ കാണുമ്ബോള്‍ തന്നെ ഞാന്‍ വിറച്ചുപോകുമായിരുന്നു. പക്ഷെ, ഹണി, ഇവളാണ് എന്നെ മാറ്റിയത്. എത്ര ഹാപ്പിയായ ഫ്രണ്ട്‌ലിയായ മനോഹരിയായ കൂട്ടുകാരി' എന്നായിരുന്നു ചിത്രത്തോടൊപ്പം ദുല്‍ക്കര്‍ കുറിച്ചിരുന്നത്.

എന്നാൽ പോസ്‌റ്റിന് ചുവടെ ഇസ്ലാം മതം അനുസരിച്ച് പട്ടി ഹറാം ആണെന്ന് അറിയില്ലേ എന്ന് ചോദിച്ചുകൊണ്ട് നിരവധിപേർ രംഗത്തെത്തി. "മോശമായിപ്പോയി, ഒരു മുസ്ലീം ഒരിക്കലും ഡോഗിനെ തൊടരുത്. ഇസ്ലാമില്‍ സാധാരണക്കാരനെന്നോ സെലിബ്രിറ്റിയെന്നോ വ്യത്യാസമില്ല, എല്ലാവരും തുല്ല്യരാണ്. ഏഴ് പ്രാവശ്യം പോയി കുളിച്ചുകള. 'നീയൊരു മുസ്ലീം അല്ലേ, നായിന്റെ അത്ര ബുദ്ധി ഇല്ലേ നിനക്ക്" എന്നിങ്ങനെയുള്ള കമന്റുകളാണ് ചിത്രത്തിന് ചുവടെ പ്രത്യക്ഷപ്പെട്ടിരിക്കുന്നത്.

എന്നാൽ ഇതിനോടൊന്നും നടൻ ഇതുവരെ പ്രതികരിച്ചിട്ടില്ല.