ബജറ്റ് സ്മാര്‍ട്ട്‌ഫോണുകളിലെ രാജാവ്; കിടിലന്‍ ഫീച്ചറുകളുമായി മോട്ടോ ജി5 പ്ലസ് !

ബജറ്റ് സ്മാര്‍ട്ട്‌ഫോണിലെ രാജാവാണോ മോട്ടോ ജി5 പ്ലസ് ?

മോട്ടോറോളയുടെ ഏറ്റവും പുതിയ സ്മാർട്ട് ഫോണ്‍ മോട്ടോ ജി5 പ്ലസ് ഇന്ത്യൻ വിപണിയിലെത്തി. മറ്റുള്ള മോഡലുകളില്‍ നിന്നും ഏറെ വ്യത്യസ്തമായ രൂപകൽപനയോടെയാണ് മോട്ടോ ജി5 പ്ലസിന്റെ വരവ്. മെറ്റൽ ബോഡി, വൃത്താകൃതിയിലുള്ള ക്യാമറാ ഫ്രെയിം തുടങ്ങി അടിമുടി പുതുമയാർന്ന ഡിസൈനാണ് ഈ ഫോണിന് കമ്പനി നല്‍കിയിരിക്കുന്നത്. മോട്ടോ ജി5 പ്ലസിന്റെ 16 ജിബി വേരിയന്റിന് 14,999 രൂപയും 32 ജിബി വേരിയന്റിന് 16,999 രൂപയുമാണ് ഫ്ലിപ്കാർട്ടിലെ വില. 

5.2 ഇഞ്ച് ഫുൾ എച്ച്ഡി ഡിസ്പ്ലേയാണ് ഫോണിനുള്ളത്. 2 ജിഗാ ഹെട്സ് ഒക്ടാ-കോർ സ്നാപ് ഡ്രാഗൺ 625 പ്രോസസർ, 3 ജിബി/4 ജിബി റാം, 16 ജിബി/32 ജിബി സ്റ്റോറേജ് എന്നീ വേരിയന്റുകളിലാണ് ഈ ഫോൺ ലഭ്യമാകുക. ടർബോപവർ ചാർജിംഗ് സാങ്കേതിക വിദ്യയോട് കൂടിയ 3000 എംഎഎച്ച് ബാറ്ററി, ഡ്യുവൽ എൽഇഡി ഫ്ലാഷോടു കൂടിയ 12എം‌പി പിഡിഎഎഫ് പിൻ ക്യാമറ, 5എം‌പി വൈഡ് ആംഗിൾ സെല്‍ഫി ക്യാമറ എന്നീ സവിശേഷതകളും ഈ ഫോണിലുണ്ട്.