ശ്രീജേഷിന്റെ വീട്ടില്‍ അപ്രതീക്ഷിത അതിഥിയായി മമ്മൂട്ടിയെത്തി; വെങ്കല മെഡല്‍ തൊട്ടുനോക്കി താരം

ടോക്കിയോ ഒളിംപിക്‌സില്‍ വെങ്കല മെഡല്‍ നേടിയ ഇന്ത്യന്‍ പുരുഷ ഹോക്കി ടീമിലെ ഗോള്‍കീപ്പറും മലയാളി താരവുമായ പി.ആര്‍.ശ്രീജേഷിന്റെ വീട്ടില്‍ അതിഥിയായി നടന്‍ മമ്മൂട്ടിയെത്തി. ശ്രീജേഷിനെ നേരിട്ടുകണ്ട് അഭിനന്ദനം അറിയിച്ച മമ്മൂട്ടി ശ്രീജേഷിന്റെ വെങ്കല മെഡല്‍ കൗതുകത്തോടെ കൈകളില്‍ വാങ്ങി. 

ശ്രീജേഷിന്റെ കുടുംബത്തോടൊപ്പം മമ്മൂട്ടി ഫോട്ടോയെടുത്തു. വെള്ളിത്തിരയിലെത്തിയതിന്റെ സുവര്‍ണ ജൂബിലി ആഘോഷിച്ച മമ്മൂട്ടിക്ക് ശ്രീജേഷ് ആശംസകള്‍ നേര്‍ന്നു. നിര്‍മാതാവ് ആന്റോ ജോസഫും മമ്മൂട്ടിക്കൊപ്പമുണ്ടായിരുന്നു.