Publish Date: Thu, 06 Jan 2022 (12:19 IST)
Updated Date: Thu, 06 Jan 2022 (12:23 IST)
ജൊഹാനസ്ബര്ഗ് ടെസ്റ്റ് ആവേശകരമായ അന്ത്യത്തിലേക്ക് നീങ്ങുകയാണ്. നാലാം ദിവസമായ ഇന്ന് രണ്ടിലൊന്ന് അറിയാമെന്നാണ് ഇന്ത്യന് ആരാധകരും ദക്ഷിണാഫ്രിക്കന് ആരാധകരും പ്രതീക്ഷിക്കുന്നത്. ഇരു ടീമിന്റേയും താരങ്ങള് തമ്മിലുള്ള സ്ലെഡ്ജിങ്ങും ഇതിനോടകം ചര്ച്ചയായി കഴിഞ്ഞു.
ദക്ഷിണാഫ്രിക്കന് താരം റസ്സി വാന് ഡര് ദസ്സനുമായി ശീതയുദ്ധത്തില് ഏര്പ്പെടുന്ന ഇന്ത്യന് വിക്കറ്റ് കീപ്പര് ബാറ്റര് റിഷഭ് പന്തിന്റെ വീഡിയോ സാമൂഹ്യമാധ്യമങ്ങളില് വൈറലായി. ഇന്ത്യയുടെ രണ്ടാം ഇന്നിങ്സിലാണ് സംഭവം. പന്ത് ബാറ്റ് ചെയ്യുമ്പോള് വാന് ഡര് ദസ്സന് സ്ലെഡ്ജ് ചെയ്തിരുന്നു. ' കാര്യങ്ങള് വ്യക്തമായി അറിയില്ലെങ്കില് ഒന്ന് വായടച്ച് ഇരിക്ക്' എന്നാണ് പന്ത് ദക്ഷിണാഫ്രിക്കന് താരത്തോട് പറഞ്ഞത്.
