Daily Horoscope

Select Your Language

Notifications

webdunia
webdunia
webdunia
webdunia

‘പത്മാവതി’ സംവിധായകന്‍ സഞ്ജയ്‌ലീല ബൻസാലി പാര്‍ലമെന്റില്‍ !

സഞ്ജയ്‌ലീല ബൻസാലി സഭാസമിതിക്കു മുന്നിൽ

സിനിമ
പത്മാവതിയുടെ റിലീസുമായി ബന്ധപ്പെട്ട് സംവിധായകന്‍ സഞ്ജയ്‌ലീല ബൻസാലിയേയും സെന്‍സര്‍ ബോര്‍ഡ് അദ്ധ്യക്ഷന്‍ പ്രസൂണ്‍ ജോഷി എന്നിവരെ പാര്‍‌ലമെന്റ് സമിതി മുന്‍പാകെ വിളിച്ച് വരുത്തി. 
വാർത്താവിതരണവകുപ്പിനു കീഴിലെ സ്ഥിരംസമിതി മുൻപാകെയാണു ബൻസാലി ഹാജരായത്. 
 
സർട്ടിഫിക്കേഷനു വേണ്ടി ചിത്രം നവംബർ 11നു സമർപ്പിച്ചിരിക്കെ ഡിസംബർ ഒന്ന് റിലീസ് തീയതിയായി മുൻകൂട്ടി പ്രഖ്യാപിച്ചതിലും സമിതി വിയോജിപ്പ് അറിയിച്ചു. ബിജെപി എംപി അനുരാഗ് ഠാക്കൂർ ആണ് സമിതിയുടെ അദ്ധ്യക്ഷൻ. സെൻസർ ബോർഡ് അധ്യക്ഷൻ പ്രസൂൺ ജോഷി വാർത്താവിതരണവകുപ്പു സ്ഥിരംസമിതി മുൻപാകെയും ലോക്സഭാ കമ്മിറ്റി മുൻപാകെയും ഹാജരായി. 
 
പ്രശസ്ത സംവിധായകന്‍ സഞ്ജയ് ലീല ബന്‍സാലി സംവിധാനം ചെയ്ത ചരിത്ര പ്രാധന്യമുള്ള സിനിമയാണ് പത്മാവതി. താര സുന്ദരിയായ ദീപിക പതുക്കോണ്‍ നായികയായി എത്തുന്ന സിനിമ തുടക്കം മുതല്‍ക്കുതന്നെ വിവാദങ്ങളില്‍പ്പെട്ടിരുന്നു
 
രാജസ്ഥാനിലെ ചിറ്റോര്‍ കോട്ടയില്‍ അലാവുദ്ദീന്‍ ഖില്‍ജി നടത്തിയ ആക്രമണവുമായി ബന്ധപ്പെട്ട കഥയാണ് സിനിമയുടെ പശ്ചാത്തലം. ചക്രവര്‍ത്തിയായ അലാവുദ്ദീന്‍ ഖില്‍ജിക്ക് കീഴടങ്ങാല്‍ തയ്യാറാകാതിരുന്ന റാണി പത്മിനിയാണ് ‘പത്മാവതി’ എന്ന ചിത്രത്തിന്റെ പ്രമേയം.
 
എന്നാല്‍ റാണിയും ഖില്‍ജിയും തമ്മിലുള്ള പ്രണയമാണ് ബന്‍സാലിയുടെ സിനിമ കൈകാര്യം ചെയ്യുന്നതെന്നും അത് ചരിത്രത്തെ വളച്ചോടിക്കലാണെന്നും കാണിച്ച് കര്‍ണി സേന പോലുള്ള സംഘനകള്‍ രംഗത്തെത്തി. ചിത്രത്തിന്റെ സംവിധായകനും നായികയ്ക്കും നേരെ വധഭീഷണി മുഴക്കുകയും ചെയ്തു. ഇത്തരത്തിലുള്ള പ്രതിഷേധം ശക്തമായതോടെയാണ് സിനിമയുടെ റിലീസ് നീട്ടിവച്ചത്.

Share this Story:

Follow Webdunia malayalam

അടുത്ത ലേഖനം

ഭീതിപടര്‍ത്തി ഓഖി; ട്രെയിന്‍ഗതാഗതം താറുമാറായി; ഇന്നും നാളെയുമായി 12 ട്രെയിനുകള്‍ റദ്ദാക്കി