‘ബോംബ് കഥ’ എട്ടു നിലയില്‍ പൊട്ടി; യുവതി യെമനിലെക്ക് പറന്നു - ക്ലൈമാ‍ക്‍സില്‍ കാമുകന്‍ അറസ്‌റ്റില്‍
‘ബോംബ് കഥ’ എട്ടു നിലയില്‍ പൊട്ടി; യുവതി യെമനിലെക്ക് പറന്നു - ക്ലൈമാ‍ക്‍സില്‍ കാമുകന്‍ അറസ്‌റ്റില്‍
യുവതി ബോംബുമായി വിമാനത്താവളത്തിൽ എത്തിയെന്നു പൊലീസിനെ വിവരമറിയിച്ച യുവാവ് അറസ്‌റ്റില്‍. പെണ്‍കുട്ടിയുടെ മുന്‍‌കാമുകനും മുംബൈ സ്വദേശിയുമായ കുത്തബ്‌ദീന്‍ ഹത്തിംബായി ഷായിവാല(28) എന്ന യുവാവാണ് അന്വേഷണത്തിലൊടുവില്‍ പിടിയിലായത്.
യെമന്‍ സ്വദേശിയായ പെണ്‍കുട്ടിയുമായി ഷായിവാല പ്രണയത്തിലായിരുന്നു. എന്നാല് ഇയാള്‍ പറയുന്നതെല്ലാം വ്യാജമാണെന്ന് തിരിച്ചറിഞ്ഞ യുവതി തിരികെ യെമനിലേക്ക് പോകാന്‍ മുംബൈ ഛത്രപതി അന്താരാഷ്‌ട്ര വിമാനത്താവളത്തില്‍ എത്തിയെന്ന് മനസിലാക്കിയതോടെയാണ് യുവാവ് വ്യാജ ബോംബ് സന്ദേശം സ്രഷ്‌ടിച്ചത്.
ബോംബുമായി ഒരു യെമന്‍ യുവതി വിമാനത്താവളത്തില്‍ എത്തുമെന്നായിരുന്നു സന്ദേശം. പൊലീസ് നടത്തിയ പരിശോധനയില്‍ യുവതിയെ കണ്ടെത്തിയെങ്കിലും സന്ദേശം വ്യാജമാണെന്ന് മനസിലായി. തുടര്‍ന്ന് നടത്തിയ അന്വേഷണത്തിലാണ് പെണ്‍കുട്ടിയുടെ മുന്‍ കാമുകന്‍ കുടുങ്ങിയത്.
സംഭവത്തില്‍ പൊലീസിന്റെ വിശദീകരണം ഇങ്ങനെ:-
യെമന്‍ സ്വദേശിയായ പെണ്‍കുട്ടിയുമായി ഷായിവാല കുറച്ചു നാളായി അടുപ്പത്തിലായിരുന്നു. താന്‍ ബിസിനസുകാ‍രനാണെന്നും ധനികന്‍ ആണെന്നും പറഞ്ഞു തെറ്റിദ്ധരിപ്പിച്ചായിരുന്നു ഇയാള്‍ ബന്ധം തുടര്‍ന്നത്. എന്നാല്, ഇയാള്‍ പറയുന്നത് കള്ളമാണെന്നും ഒരു ഷോപ്പിലാണ് ജോലിയെന്നും തിരിച്ചറിഞ്ഞ പെണ്‍കുട്ടി ബന്ധത്തിൽ നിന്നും പിന്മാറി. തന്നെ വിവാഹം കഴിച്ചില്ലെങ്കിൽ പതലതരം ബുദ്ധിമുട്ടുകൾ നേരിടേണ്ടിവരുമെന്ന് ഷായിവാല യുവതിയെ അറിയിച്ചു. ഇതിനിടെയാണ് തിരികെ മടങ്ങാന്‍ യുവതി തീരുമാനിച്ചതും യാത്ര തടയാന്‍ ഇയാള്‍ വ്യാജ ബോം കഥ മെനഞ്ഞതെന്നും പൊലീസ് വ്യക്തമാക്കി.
