അമ്മ മരിച്ചതറിയാതെ മാനസിക വൈകല്യമുള്ള മകൻ മൃതദേഹത്തോടൊപ്പം കഴിഞ്ഞത് ഏഴുദിവസം

കൊൽക്കത്ത: അമ്മ മരിച്ചതറിയാതെ മാനസിക രോഗിയായ മകൻ മൃതദേഹത്തോപ്പം കഴിഞ്ഞത് ഏഴുദിവസം. കൊൽക്കത്തയിലെ സാൾട്ട് ലേക്ക് മേഖലയിലാണ് സംഭവം ഉണ്ടായത്. ജീർണിച്ച് അഴുകിയ നിലയിലാണ് വൃദ്ധയുടെ മൃതദേഹം കണ്ടെത്തിയത്.

വീടിനകത്തുനിന്നും ദുർഗന്ധം വരാൻ തുടങ്ങിയതോടെ അയൽക്കാരാണ് പൊലീസിൽ വിവരമറിയിച്ചത്. തുടർന്ന് പൊലീസ് എത്തി നടത്തിയ പരിശോധനയിലാണ് അഴുകിയ നിലയിൽ മൃതദേഹം കണ്ടെത്തിയത്. അമ്മ മരിച്ചിരുന്നതായി മാനസിക വൈകല്യമുള്ള മകൻ അറിഞ്ഞിരുന്നില്ല. 40 കാരനായ മകനും അമ്മയും മാത്രമാണ് വീട്ടിൽ താമസിച്ചിരുന്നത്.