മാഗി ന്യൂഡില്‍സില്‍ അളവില്‍ കൂടുതല്‍ ചാരം !

മാഗി ന്യൂഡില്‍സില്‍ അമിത അളവില്‍ ചാരം ചേര്‍ക്കുന്നതായി കണ്ടെത്തല്‍ !

മാഗി ന്യൂഡില്‍സില്‍ അമിത അളവില്‍ ചാരം ചേര്‍ത്തിരിക്കുന്നതായി റിപ്പോര്‍ട്ട്. ഉത്തർപ്രദേശിലെ ഷാജഹാൻപൂരില്‍ നിന്നും പരിശോധനയ്ക്ക് അയച്ച ന്യൂഡിൽസ് സാമ്പിളുകളിലാണ് കൃത്രിമം കണ്ടെത്തിയത്. സംഭവമായി ബന്ധപ്പെട്ട് മാഗി നിർമ്മാതാക്കളായ നെസ്ലെയ്ക്കും ആറ് വിതരണക്കാർക്കുമെതിരെ ഭക്ഷ്യസുരക്ഷാ വിഭാഗം 62 ലക്ഷം രൂപ പിഴയും ചുമത്തി.

മാഗി ന്യൂഡിൽസിൽ അളവിൽ കൂടുതല്‍ ചാരവും മറ്റു ചേരുവകളും ചേർത്തിട്ടുണ്ടെന്നായിരുന്നു പരിശോധനാഫലം. അമിത അളവില്‍ ഇത്തരം പദാർത്ഥങ്ങൾ ഉപയോഗിക്കുന്നത് ആരോഗ്യത്തിന് ദോഷകരമാണ്. ഗുണനിലവാരമില്ലാത്ത ന്യൂഡിൽസുകളാണ് നെസ്ലെ വിപണിയിൽ എത്തിച്ചതെന്നാണ് പരിശോധനയില്‍ വ്യക്തമായത്. എന്നാല്‍ ഇതുസംബന്ധിച്ച് തങ്ങൾക്ക് വിവരം ലഭിച്ചിട്ടില്ലെന്നും, അങ്ങനെയുണ്ടെങ്കില്‍ അപ്പീല്‍ നൽകുമെന്നുമാണ് നെസ്ലെ അധികൃതര്‍ പ്രതികരിച്ചത്.