രാജ്യത്തെ സജീവ കൊവിഡ് കേസുകള്‍ 73 ദിവസത്തിനു ശേഷം എട്ടുലക്ഷത്തിനുള്ളിലേക്ക്

രാജ്യത്തെ സജീവ കൊവിഡ് കേസുകള്‍ 73 ദിവസത്തിനു ശേഷം എട്ടുലക്ഷത്തിനുള്ളിലേക്ക് താഴുന്നു. നിലവില്‍ രാജ്യത്ത് 7,98,656 പേരാണ് കൊവിഡ് ബാധിച്ച് ചികിത്സയില്‍ കഴിയുന്നത്. കഴിഞ്ഞ 24 മണിക്കൂറിനിടെ 62,480 പേര്‍ക്ക് രോഗം ബാധിച്ചു. 88,977 പേര്‍ രോഗമുക്തി നേടി.

ഇതോടെ രാജ്യത്തെ ആകെ കൊവിഡ് കേസുകളുടെ എണ്ണം 2,97,62,793 ആയി ഉയര്‍ന്നിട്ടുണ്ട്. ഇതുവരെ രോഗം മൂലം 3,83,490 പേരാണ് മരണപ്പെട്ടത്. 26.89 കോടിയിലേറെ പേര്‍ ഇതുവരെ വാക്‌സിന്‍ സ്വീകരിച്ചിട്ടുണ്ട്.