ICSI CS എക്സിക്യൂട്ടീവ്, പ്രൊഫഷണൽ പരീക്ഷയുടെ അഡ്മിറ്റ് കാർഡ് പുറത്ത് : എങ്ങനെ ഡൗൺലോഡ് ചെയ്യാം?

ഇന്‍സ്റ്റിറ്റ്യൂട്ട് ഓഫ് കമ്പനി സെക്രട്ടറീസ് ഓഫ് ഇന്ത്യ (ICSI) ജൂണ്‍ 2025-ലെ CS എക്‌സിക്യൂട്ടീവ്, പ്രൊഫഷണല്‍ പരീക്ഷകളുടെ അഡ്മിറ്റ് കാര്‍ഡ് ഔദ്യോഗിക വെബ്‌സൈറ്റില്‍ പ്രസിദ്ധീകരിച്ചു. icsi.edu വിലൂടെ പരീക്ഷാര്‍ത്ഥികള്‍ക്ക് ഇ-അഡ്മിറ്റ് കാര്‍ഡ് ഡൗണ്‍ലോഡ് ചെയ്യാം.*

പരീക്ഷാ തീയതികള്‍: ജൂണ്‍ 1 മുതല്‍ ജൂണ്‍ 10 വരെ (2025)യാണ് പരീക്ഷകള്‍ നടക്കുക. പരീക്ഷാ ദിവസം വരെ ഓണ്‍ലൈനില്‍ അഡ്മിറ്റ് കാര്‍ഡ് ഡൗണ്‍ലോഡ് ചെയ്യാം. പോസ്റ്റ് വഴി അയക്കുന്നതായിരിക്കില്ല. അഡ്മിറ്റ് കാര്‍ഡ് ഓണ്‍ലൈന്‍ വഴി ഡൗണ്‍ലോഡ് ചെയ്യാന്‍ ഇങ്ങനെ ചെയ്യുക.

സ്റ്റെപ്പ് 1: ICSI-യുടെ ഔദ്യോഗിക വെബ്‌സൈറ്റ് icsi.edu സന്ദര്‍ശിക്കുക.

സ്റ്റെപ്പ് 2: ലോഗിന്‍ സെക്ഷനില്‍ നിങ്ങളുടെ 17 അക്ക രജിസ്‌ട്രേഷന്‍ നമ്പര്‍ നല്‍കുക.

സ്റ്റെപ്പ് 3: സ്‌ക്രീനില്‍ ഇ-അഡ്മിറ്റ് കാര്‍ഡ് പ്രത്യക്ഷപ്പെടും.

സ്റ്റെപ്പ് 4: പരീക്ഷാര്‍ത്ഥിയുടെ പേര്, റോള്‍ നമ്പര്‍, പരീക്ഷാ കേന്ദ്രം തുടങ്ങിയ വിവരങ്ങള്‍ ശ്രദ്ധാപൂര്‍വ്വം പരിശോധിക്കുക.

സ്റ്റെപ്പ് 5: ഡൗണ്‍ലോഡ് ചെയ്ത് പ്രിന്റ് എടുക്കുക (പരീക്ഷാ ദിവസത്തില്‍ കൊണ്ടുവരുന്നത് നിര്‍ബന്ധമാണ്).