രാജ്യത്ത് ഇ-പാസ്‌പോര്‍ട്ട് ഏര്‍പ്പെടുത്താനൊരുങ്ങി സര്‍ക്കാര്‍

രാജ്യത്ത് ഇ-പാസ്‌പോര്‍ട്ട് സംവിധാനം ഏര്‍പ്പെടുത്താനൊരുങ്ങി വിദേശകാര്യ മന്ത്രാലയം. ഇലക്ട്രോണിക് ചിപ്പുകള്‍ ഉള്‍ക്കൊള്ളുന്നതാണ് ഇ-പാസ്‌പോര്‍ട്ട്. ഇത് അന്താരാഷ്ട്രതലത്തില്‍ ഇമിഗ്രേഷന്‍ നടപടികള്‍ വേഗത്തില്‍ ആക്കുന്നതിന് സഹായിക്കുന്നു. ബയോമെട്രിക് ഡാറ്റ ഉപയോഗിച്ച് സുരക്ഷയ്ക്ക് കൂടുതല്‍ പ്രാധാന്യം നല്‍കിയായിരിക്കും പാസ്‌പോര്‍ട്ട് അനുവദിക്കുന്നത്. ഔദ്യോഗിക നയതന്ത്ര ഇ-പാസ്‌പോര്‍ട്ട് 20000 പേര്‍ക്ക് നേരത്തെ പരീക്ഷണാടിസ്ഥാനത്തില്‍ അനുവദിച്ചിരുന്നു.