Publish Date: Mon, 17 Feb 2025 (15:46 IST)
Updated Date: Mon, 17 Feb 2025 (15:50 IST)
കോയമ്പത്തൂര് മെഡിക്കല് കോളേജ് ആശുപത്രിയില് ആത്മഹത്യ ചെയ്ത 33 കാരിയായ സ്ത്രീ മരിച്ചു. കാഞ്ചീപുരം തൊറൈപാക്കം സ്വദേശി ആര് സംഷാദ് ബെഹാം ആണ് മരിച്ചത്. ഇവരുടെ മൂത്ത സഹോദരന് ആര് ഇബ്രാഹിം ബാഷ (45) ഡ്രൈവറും ടാക്സി ഉടമയുമായിരുന്നു. അമിത വണ്ണം മൂലമുണ്ടായ മാനസിക ആഘാതത്തെ തുടര്ന്നാണ് സഹോദരങ്ങള് ഇത്തരത്തിലുള്ള കടുത്ത നടപടി സ്വീകരിച്ചതെന്ന് പോലീസ് പറഞ്ഞു.
150 കിലോയോളം ഭാരമുള്ള ഇവര് തടി കുറയ്ക്കാന് വിവിധ സ്ഥലങ്ങളില് ചികിത്സ തേടിയിരുന്നു. 2022-ല് കൊവിഡ്-19 മൂലം മാതാപിതാക്കളെ നഷ്ടപ്പെട്ട അവര് അന്നുമുതല് ഒറ്റയ്ക്കാണ് താമസം. ശരീരഭാരം കുറയ്ക്കാനുള്ള ആയുര്വേദ ചികിത്സയ്ക്കായി ബെഹാമും ബാഷയും ജനുവരിയില് കോയമ്പത്തൂര് സന്ദര്ശിച്ചിരുന്നു. ഗാന്ധിപുരത്തെ ഹോട്ടലിലായിരുന്നു ഇവര് താമസിച്ചിരുന്നത്.
ചികില്സയ്ക്കായി സഹോദരങ്ങള്ക്ക് വന്തുക ചെലവായതായും ബാഷയുടെ കാര് ഉള്പ്പെടെയുള്ള സ്വത്തുക്കള് വിറ്റതായും പൊലീസ് പറഞ്ഞു. ഏകാന്തതയും ആരോഗ്യപ്രശ്നങ്ങളും അവരെ വിഷാദത്തിലാക്കിയിരുന്നു. ഇതാണ് മരണത്തിലേക്ക് നയിച്ചത്.
