ഒറ്റ വർഷത്തിൽ ഡൽഹിയിൽ ആയുസ് ഒടുങ്ങിയത് 50 ലക്ഷം വാഹനങ്ങൾ

അന്തരീക്ഷ മലിനീകരണം നിയന്ത്രിക്കുന്ന്തിൻ്റെ ഭാഗമായി ഡൽഹിയിൽ കഴിഞ്ഞ വർഷം പൊളിച്ചുനീക്കിയത് 50 ലക്ഷം വാഹനങ്ങളെന്ന് റിപ്പോർട്ട്. ഡീസൽ വാഹനങ്ങൾക്ക് 10 വർഷവും പെട്രോൾ വാഹനങ്ങൾക്ക് 15 വർഷവുമാണ് അധികൃതർ നൽകിയിട്ടുള്ള കാലപരിധി. ഈ പരിധിവിട്ട വാഹനങ്ങളാണ് പൊളിച്ചുനീക്കുന്നത്.

ഒറ്റ വർഷത്തിനുള്ളിൽ ഇത്രയും അധികം വാഹനങ്ങളുടെ രജിസ്ട്രേഷൻ റദ്ദാക്കുന്നത് ഇതാദ്യമായാണെന്നാണ് വിവരം.  2018 മുതൽ 2022 വരെ അഞ്ച് വർഷത്തിൽ ആകെ 53 ലക്ഷം വാഹനങ്ങളുടെ രജിസ്ട്രേഷനാണ് റദ്ദാക്കിയത്. ഇതിൽ 50 ലക്ഷവും ഈ വർഷം കാലാവധി അവസാനിച്ചവയാണ്.