നെഞ്ചുപൊട്ടി ബിജെപി; ജനങ്ങളുടെ ക്ഷേമത്തിനാണ് ബിജെപി മുൻ‌തൂക്കം നൽകിയതെന്ന് മോദി

തെരഞ്ഞെടുപ്പിൽ എട്ടുനിലയിൽ പൊട്ടി; പ്രതികരണവുമായി മോദി

മധ്യപ്രദേശ്, രാജസ്ഥാൻ, ഛത്തീസ്ഗഢ്, തെലങ്കാന, ഒറീസ എന്നിവടങ്ങളിലെ സംസ്ഥാന തിരഞ്ഞെടുപ്പുകളിൽ ബിജെപിക്കേറ്റ കനത്ത പരാജയത്തിനു പിന്നാലെ പ്രതികരണവുമായി പ്രധാനമന്ത്രി നരേന്ദ്ര മോദി രംഗത്ത്. ജനങ്ങളുടെ വിധി വിനയത്തോടെ അംഗീകരിക്കുന്നതായി മോദി ട്വീറ്റ് ചെയ്തു. 

ജയവും തോൽവിയും ജീവിതത്തിലെ പ്രധാന ഘടകങ്ങളാണ്. അതുണ്ടാകുമെന്നും മോദി പറയുന്നു. ഇന്ത്യയുടെ വികസനത്തിനായി കൂടുതൽ കരുത്തോടെ പ്രവർത്തിക്കാൻ തിരഞ്ഞെടുപ്പു ഫലം സഹായിക്കും. ജനങ്ങളുടെ ക്ഷേമത്തിനായി ബിജെപി സർക്കാർ മികച്ച പ്രകടനമാണ് കാഴ്ചവച്ചതെന്നും അദ്ദേഹം അവകാശപ്പെട്ടു. 

അതേസമയം, തിരഞ്ഞെടുപ്പിൽ ബിജെപി മികച്ച പ്രകടനമാണ് കാഴ്ചവച്ചതെന്നു കേന്ദ്ര ധനമന്ത്രി അരുൺ ജയ്റ്റ്ലിയും പ്രതികരിച്ചു. ആത്മപരിശോധനയും സത്യസന്ധമായ വിശകലനവും നടത്തേണ്ടത് ആവശ്യമാണെന്നു ജയ്റ്റ്ലി പറഞ്ഞു.