മമ്മൂട്ടി ജ്വലിക്കുന്നു, 3 ദിവസം 15 കോടി; ഗ്രേറ്റ്ഫാദര്‍ 50 കോടിക്ക് ഇനി 5 നാള്‍ !

ഗ്രേറ്റ്ഫാദര്‍ 50 കോടി ക്ലബിലേക്ക് കടക്കുകയാണ്. ഈ വാരാന്ത്യത്തില്‍ ചിത്രം 50 കോടി ക്ലബില്‍ ഇടം പിടിക്കുമെന്നാണ് റിപ്പോര്‍ട്ടുകള്‍. കണക്കുകള്‍ അനുസരിച്ച് ശനിയാഴ്ചയോടെ ചിത്രം 50 കോടി ക്ലബില്‍ പ്രവേശിക്കും.

വിഷു ദിനത്തിലും വാരാന്ത്യത്തിലുമായി പതിനഞ്ചുകോടിയോളം രൂപയുടെ കളക്ഷന്‍ ഗ്രേറ്റ്ഫാദര്‍ പ്രതീക്ഷിക്കുന്നുണ്ട്. കുടുംബപ്രേക്ഷകരുടെ തള്ളിക്കയറ്റം ആ ദിവസങ്ങളില്‍ ഉണ്ടാകുമെന്നതിനാല്‍ കൂടുതല്‍ ഷോകള്‍ തയ്യാറാക്കുമെന്നും അറിയുന്നു. മമ്മൂട്ടിയുടെ തന്നെ പുത്തന്‍‌പണവും ആ സമയം തിയേറ്ററുകളിലുണ്ടാവുമെങ്കിലും ഗ്രേറ്റ്ഫാദര്‍ മാജിക്ക് തുടരുമെന്ന് തന്നെയാണ് ട്രേഡ് അനാലിസിസ്.

100 കോടി ക്ലബിലേക്ക് കുതിച്ചുപായുന്ന ഗ്രേറ്റ്ഫാദര്‍ സകല റെക്കോര്‍ഡുകളും തിരുത്തിയെഴുതുകയാണ്. തുറുപ്പുഗുലാന്‍ എന്ന ചിത്രത്തിലാണ് മമ്മൂട്ടിയും സ്നേഹയും ഒന്നിച്ചത്. ആ സിനിമയും തകര്‍പ്പന്‍ ഹിറ്റായിരുന്നു. ഇപ്പോള്‍ അതേ ജോഡിയുടെ ദി ഗ്രേറ്റ്ഫാദര്‍ ഇന്‍ഡസ്ട്രി ഹിറ്റായി മാറിയപ്പോള്‍ കൂടുതല്‍ സിനിമകള്‍ ഈ ജോഡിയെ അവതരിപ്പിച്ച് നിര്‍മ്മിക്കപ്പെടാനുള്ള സാധ്യത തെളിയുകയാണ്.

അതേസമയം, ഹനീഫ് അദേനി തന്‍റെ പൃഥ്വിരാജ് പ്രൊജക്ടിനുള്ള തയ്യാറെടുപ്പിലാണ്. അതിന് ശേഷം മമ്മൂട്ടിയുടെയും മോഹന്‍ലാലിന്‍റെ സിനിമകള്‍ യുവ സംവിധായകനെ കാത്തിരിക്കുന്നുണ്ട്.