എംഡിഎംഎയും കഞ്ചാവുമായി തൃശൂര്‍ സ്വദേശിനി പിടിയില്‍
10.07 ഗ്രാം എംഡിഎംഎ, 7.70 ഗ്രാം കഞ്ചാവ് എന്നിവയാണ് യുവതിയില്‍ നിന്ന് പിടികൂടിയത്
Publish Date: Fri, 30 May 2025 (09:44 IST)
Updated Date: Fri, 30 May 2025 (09:50 IST)
എംഡിഎംഎ, കഞ്ചാവ് എന്നിവയുമായി കൊച്ചിയില്‍ യുവതി പിടിയില്‍. തൃശൂര്‍ ചിയ്യാരം വള്ളിക്കുളം റോഡില്‍ പാറേപ്പറമ്പില്‍ വീട്ടില്‍ കാഷ്മീര പി ജോയ് ആണ് അറസ്റ്റിലായത്.
10.07 ഗ്രാം എംഡിഎംഎ, 7.70 ഗ്രാം കഞ്ചാവ് എന്നിവയാണ് യുവതിയില്‍ നിന്ന് പിടികൂടിയത്. മുനമ്പം പൊലീസ് നടത്തിയ പരിശോധനയിലാണ് അറസ്റ്റ്. യുവതി താമസിച്ചിരുന്ന വാടക വീട്ടില്‍ പൊലീസ് പരിശോധന നടത്തിയപ്പോഴാണ് ലഹരി വസ്തുക്കള്‍ കണ്ടെത്തിയത്.
കഴിഞ്ഞ ദിവസം രാത്രി നടത്തിയ പരിശോധനയിലാണ് ആറ് സിപ്ലോക്ക് കവറുകളില്‍ സൂക്ഷിച്ച നിലയില്‍ എംഡിഎംഎയും രണ്ട് കവറുകളിലായി സൂക്ഷിച്ച കഞ്ചാവും കണ്ടെത്തിയത്. ഇന്‍സ്പെക്ടര്‍ കെ.എസ്.സന്ദീപിന്റെ നേതൃത്വത്തിലായിരുന്നു പരിശോധന.
