കൊല്ലം: അമ്മയെയും മൂന്നു വയസുള്ള കുഞ്ഞിനേയും കഴിഞ്ഞ ദിവസം കഴുത്തില്‍ മുറിവേറ്റു മരിച്ച നിലയില്‍ കണ്ടെത്തി. തൊടിയൂര്‍ പുലിയൂര്‍വഞ്ചി തെക്ക് ഇടക്കുളങ്ങര ബിനു നിവാസില്‍ സുനില്‍ കുമാറിന്റെ ഭാര്യ സൂര്യ (35) മകന്‍ ആദിദേവ് എന്നിവരാണ് മരിച്ചത്.
സുനില്‍ കുമാര്‍ കൊല്ലത്തു കട നടത്തുകയാണ്. സുനില്‍ കുമാറും ഭാര്യയും കുഞ്ഞും മാത്രമാണ് വീട്ടില്‍ താമസം. വെള്ളിയാഴ്ച വൈകിട്ടും അമ്മയെയും കുഞ്ഞിനേയും പുറത്തു കണ്ടിരുന്നതായി അയല്‍ക്കാര്‍ പറയുന്നു.
എന്നാല്‍ സന്ധ്യയ്ക്കു ഇരുവരെയും പുറത്ത് കാണാത്തതിനെ തുടര്‍ന്ന് അയല്‍ക്കാരും ബന്ധുക്കളും തിരക്കിയപ്പോള്‍ വീട്ടിലെ കതക് അടച്ച നിലയിലായിരുന്നു. തുടര്‍ന്ന് ജനല്‍ ചില്ലുകള്‍ പൊട്ടിച്ചു നോക്കിയപ്പോഴാണ് ഇരുവരും കഴുത്തില്‍ മുറിവേറ്റു മരിച്ച നിലയില്‍ കിടക്കുന്നത് കണ്ടത്. പോലീസ് സ്ഥലത്തെത്തി കേസെടുത്ത് അന്വേഷണം ആരംഭിച്ചിട്ടുണ്ട്.
