2019ൽ മാത്രമല്ല 2024ലും മോദി പ്രധാനമന്ത്രിയായി വരണം: ടി പി സെൻ‌കുമാർ

തിരുവന്തപുരം: ഇന്ത്യ നന്നാവണമെങ്കിൽ മോദിക്ക് ഭരണ തുടർച്ച ഉണ്ടാവണമെന്ന് മുൻ ഡിജിപി ടി പി സെൻ‌കുമാർ. 2019ൽ മാത്രമല്ല 2024ലും മോദി പ്രധാനമന്ത്രിയായി അധികാരത്തിൽ വരണമെന്നും ടി പി സെൻ‌കുമാർ വ്യക്തമാക്കി. ബി ജെ പിയുടെ പരിപാടിയിൽ സംസാരിക്കവെയണ് സെൻ‌കുമാർ നിലപാട് വ്യക്തമാക്കിയത്.

കോടിയേരി ബാലകൃഷ്ണൻ ആഭ്യന്തര മന്ത്രിയായിരിക്കവെയാണ് പൊലീസ് ഫോൺ ചോർത്താൻ ആരംഭിച്ചത്. ഈ സമയം താനായിരുന്നില്ല ജേക്കബ് പുന്നൂസായിരുന്നു ഡി ജി പി എന്നും സെൻ‌കുമാർ വെളിപ്പെടുത്തി. തന്റെ മേൽ വ്യജ ആരോപണങ്ങൾ ഉന്നയിക്കുകയാണ്.

സത്യം ചോദിച്ചാൽ സംഘികളാകുമെങ്കിൽ എല്ലാവരും സംഘികളാകും. മുൻപും താൻ പല പരിപാടികളിലിലും പങ്കെടൂത്തിട്ടുണ്ട്. എന്നാൽ അപ്പോഴൊന്നുമില്ലാത്ത ഐത്തം ഇപ്പോൾ കൽപ്പിക്കപ്പെടുകയാണ്. ധാ‍രാളം മനുഷ്യ സ്നേഹികളുള്ള സംവിധാനമാണ് സേവാ ഭാരതി. അതിനാൽ സേവാ ഭാരതിയുടെ പരിപാടികളിൽ ഇനിയും പങ്കെടുക്കുമെന്നും സെൻ‌കുമാർ വ്യക്തമാക്കി.