Publish Date: Tue, 04 Jul 2023 (14:05 IST)
Updated Date: Tue, 04 Jul 2023 (14:07 IST)
ശക്തമായ മഴ തുടരുന്ന സാഹചര്യത്തില് എറണാകുളത്ത് പ്രളയജലം ഇറങ്ങിയ ഇടങ്ങളില് ജാഗ്രതാ നിര്ദേശം. രണ്ട് ദിവസമായി തുടരുന്ന മഴയില് എല്ലാ ഭാഗങ്ങളിലുമായി ലഭിച്ച മഴ 50 മി. മീറ്ററിന് മുകളിലാണ്. നാലംഗ സ്ക്വാഡ് രൂപീകരിച്ച് ജില്ലയില് കണ്ട്രോള് റൂമുകളും സജ്ജമാക്കിയിട്ടുണ്ട്. തഹസില്ദാര്മാരുടെ നേതൃത്വത്തിലാണ് കണ്ട്രോള് റൂമുകള് പ്രവര്ത്തിക്കുക.
നിലവില് ജില്ലയില് ഓറഞ്ച് അലേര്ട്ടാണ് പ്രഖ്യാപിച്ചിരിക്കുന്നതെങ്കിലും 2018-ല് പ്രളയജലം ഇറങ്ങിയ ഭാഗങ്ങളില് അതീവ ജാഗ്രത തുടരണമെന്ന് ജില്ലാ ഭരണകൂടത്തിന്റെ നിര്ദ്ദേശം നല്കിയിട്ടുണ്ട്.