നഗ്നതാ പ്രദർശനം: ഫോട്ടോഗ്രാഫർ പിടിയിൽ

കിളിമാനൂർ: പ്രായപൂർത്തി ആകാത്ത പെൺകുട്ടികൾക്ക് നേരെ നഗ്നതാ പ്രദർശനം നടത്തിയ ഫോട്ടോഗ്രാഫറായ യുവാവിനെ പോലീസ് അറസ്റ്റ് ചെയ്തു. മണ്ണന്തല മരുതൂരിൽ വാടകയ്ക്ക് താമസിക്കുന്ന നെടുമങ്ങാട് സ്വദേശി നിതിൻ എന്ന 28 കാരനെയാണ് പോലീസ് അറസ്റ്റ് ചെയ്തത്.

കഴിഞ്ഞ ദിവസം വൈകിട്ട് കാരറ്റ് പേടിക്കുളത്ത് വച്ചാണ് സംഭവം ഉണ്ടായത്. പഠനം കഴിഞ്ഞു വീട്ടിലേക്ക് വരുന്നവഴിയിലായിരുന്നു പെൺകുട്ടികൾക്ക് നേരെ ബൈക്കിൽ എത്തിയ ഇയാൾ നഗ്നത പ്രദർശിപ്പിച്ചത്. വിവരം അറിഞ്ഞെത്തിയ നാട്ടുകാർ ഇയാളെ വഴിയിൽ തടഞ്ഞുനിർത്തി കിളിമാനൂർ പൊലീസിന് കൈമാറുകയായിരുന്നു.

കഴിഞ്ഞ നവംബറിലും സമാനമായ രീതിയിൽ നഗ്നത പ്രദർശിപ്പിച്ച ശേഷം ഇയാൾ രക്ഷപ്പെട്ടിരുന്നു. സമീപത്തെ വീട്ടിലെ സി.സി.ടി.വി കാമറയിൽ നിന്ന് പ്രതിയുടെ ചിത്രം ലഭിച്ചെങ്കിലും ആളിനെ കണ്ടെത്താൻ കഴിഞ്ഞിരുന്നില്ല. പോക്സോ നിയമ പ്രകാരമാണ് പോലീസ് ഇയാളെ അറസ്റ്റ് ചെയ്തത്.