ലൈഫ് മിഷന്‍ അഴിമതി കേസില്‍ ഇന്നും ചോദ്യം ചെയ്യലിനെത്തി സിഎം രവീന്ദ്രന്‍; കഴിഞ്ഞ ദിവസം ചോദ്യം ചെയ്തത് 10മണിക്കൂര്‍

ലൈഫ് മിഷന്‍ അഴിമതി കേസില്‍ ഇന്നും ചോദ്യം ചെയ്യലിനെത്തി സിഎം രവീന്ദ്രന്‍. കഴിഞ്ഞ ദിവസം ചോദ്യം ചെയ്തത് 10മണിക്കൂറാണ്. സ്വപ്നയുടെ മൊഴിയുടെ അടിസ്ഥാനത്തിലാണ് വിളിപ്പിച്ചത്. ലൈഫ് മിഷന്‍ കോഴയുമായി ബന്ധപ്പെട്ട എല്ലാ വഴിവിട്ട നടപടികളും സി.എം.രവീന്ദ്രന്റെ അറിവോടെയാണെന്നാണ് സ്വപ്ന മൊഴി ഇഡിക്ക് മൊഴി നല്‍കിയത്. കൂടാതെ കോഴയില്‍ രവീന്ദ്രന്റെ പേര് പരാമര്‍ശിക്കുന്ന സ്വപ്നയും ശിവശങ്കറും തമ്മിലുള്ള വാട്സാപ്പ് ചാറ്റും ഇഡിക്ക് ലഭിച്ചിട്ടുണ്ട്.

അതേസമയം ലൈഫ് മിഷന്‍ കോഴക്കേസില്‍ അറസ്റ്റിലായി റിമാന്‍ഡില്‍ക്കഴിയുന്ന മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം.ശിവശങ്കറിനെ ഇന്ന് വീണ്ടും കോടതിയില്‍ ഹാജരാക്കും.