Publish Date: Thu, 20 Jan 2022 (15:31 IST)
Updated Date: Thu, 20 Jan 2022 (15:34 IST)
പങ്കാളിയെ കൈമാറിയ കേസില് ഒളിവിലായ പ്രതി പിടിയില്. പാലാ സ്വദേശിയായ യുവാവാണ് പിടിയിലായത്. ഇതോടെ കേസില് അറസ്റ്റിലായവരുടെ എണ്ണം ഏഴായി. കേസില് ഇനി രണ്ടുപേര് കൂടി പിടിയിലാകാനുണ്ട്. സംഭവത്തിനു പിന്നില് വലിയ സംഘമുണ്ടെന്നാണ് പൊലീസ് പറയുന്നത്. സോഷ്യല് മീഡിയ ഗ്രൂപ്പുകള് വഴിയാണ് സംഘങ്ങള് ആശയവിനിമയം നടത്തുന്നത്.
കൂടാതെ പണം വാങ്ങി പങ്കാളിയെ കൈമാറുന്ന പ്രവര്ത്തനവും നടക്കുന്നുണ്ട്. പരസ്പര സഹകരണത്തോടെയാണ് ഇത്തരം പ്രവര്ത്തനങ്ങള് നടക്കുന്നതെങ്കില് ഇടപെടാന് സാധിക്കില്ലെന്ന് നേരത്തേ പൊലീസ് വ്യക്തമാക്കിയിരുന്നു.