Publish Date: Tue, 14 Nov 2023 (14:01 IST)
Updated Date: Tue, 14 Nov 2023 (14:02 IST)
കേരളത്തില് വീണ്ടും മഴ മുന്നറിയിപ്പ് പുറപ്പെടുവിച്ച് കേന്ദ്ര കാലാവസ്ഥാ നിരീക്ഷണ കേന്ദ്രം. തെക്ക് കിഴക്കന് ബംഗാള് ഉള്ക്കടലിനും ആന്ഡമാന് നിക്കോബാര് ദ്വീപിനും മുകളിലായി ന്യൂനമര്ദ്ദം രൂപപ്പെട്ടിട്ടുണ്ട്. പടിഞ്ഞാറ് വടക്ക് പടിഞ്ഞാറു ദിശയില് സഞ്ചരിക്കുന്ന ന്യൂനമര്ദ്ദം നവംബര് 16 ഓടെ മധ്യ പടിഞ്ഞാറന് ബംഗാള് ഉള്ക്കടലില് വെച്ച് തീവ്രന്യൂനമര്ദ്ദമായി ശക്തിപ്രാപിക്കാന് സാധ്യതയുള്ളതായി മുന്നറിയിപ്പില് പറയുന്നു.
തെക്ക് പടിഞ്ഞാറന് ബംഗാള് ഉള്ക്കടലിന് മുകളില് മറ്റൊരു ചക്രവാതചുഴിയും നിലനില്ക്കുന്നുണ്ട്. ഇത് രണ്ടിന്റെയും സ്വാധീനഫലമായി അടുത്ത 5 ദിവസം കേരളത്തില് ഇടിമിന്നലോട് കൂടിയ മിതമായ/ഇടത്തരം മഴ പെയ്യുമെന്നാണ് കാലാവസ്ഥാ കേന്ദ്രത്തില് നിന്നുള്ള അറിയിപ്പ്. ഇതിനെ തുടര്ന്ന് ഇന്ന് എറണാകുളം,ഇടുക്കി,മലപ്പുറം ജില്ലകളില് യെല്ലോ അലര്ട്ടാണ്.
