കാസര്‍കോട്ട് വെള്ളക്കെട്ടില്‍ വീണ് 37 കാരന്‍ മരിച്ചു

കാസര്‍കോട്ട് ശക്തമായി പെയ്യുന്ന കനത്ത മഴയിലുണ്ടായ വെള്ളക്കെട്ടില്‍ വീണ് 37കാരന്‍ മരിച്ചു. ചേനക്കോട് സ്വദേശി ചന്ദ്രശേഖരന്‍ (37) ആണ് മരിച്ചത്. കഴിഞ്ഞ ദിവസം രാത്രി പത്തരയോടെയായിരുന്നു സംഭവം. മധുര്‍ ചേനക്കോട്ടെ വയലിലെ വെള്ളക്കെട്ടിലാണ് ചന്ദ്രശേഖരന്റെ മൃതദേഹം കണ്ടെത്തിയത്.

ജില്ലയില്‍ ഉണ്ടായ കനത്ത മഴയില്‍ വന്‍ നാശനഷ്ടങ്ങളാണ് ഉണ്ടായത്. മഴയില്‍ എട്ടു വീടുകള്‍ തകര്‍ന്നിട്ടുണ്ട്. മധുരവാഹിനി പുഴ കരകവിഞ്ഞൊഴുകുകയാണ്.