മലയാളിക്ക് ഇനിയും പൊള്ളും; അഞ്ച് ജില്ലകളില് താപനില മുന്നറിയിപ്പ്
പാലക്കാട് ജില്ലയില് താപനില 39 ഡിഗ്രി സെല്ഷ്യസ് വരെ ഉയര്ന്നേക്കും
Publish Date: Tue, 25 Apr 2023 (08:42 IST)
Updated Date: Tue, 25 Apr 2023 (08:45 IST)
സംസ്ഥാനത്ത് അഞ്ച് ജില്ലകളില് ഉയര്ന്ന താപനില മുന്നറിയിപ്പ്. പാലക്കാട്, കോട്ടയം, ആലപ്പുഴ, കൊല്ലം, തിരുവനന്തപുരം എന്നീ ജില്ലകളിലാണ് മുന്നറിയിപ്പ് പ്രഖ്യാപിച്ചിരിക്കുന്നത്. ഈ ജില്ലകളില് രണ്ട് മുതല് നാല് ഡിഗ്രി സെല്ഷ്യസ് വരെ താപനില ഉയര്ന്നേക്കാമെന്ന് കാലാവസ്ഥ വകുപ്പ് അറിയിച്ചു.
പാലക്കാട് ജില്ലയില് താപനില 39 ഡിഗ്രി സെല്ഷ്യസ് വരെ ഉയര്ന്നേക്കും. കോട്ടയം, ആലപ്പുഴ, കൊല്ലം ജില്ലകളില് 37 ഡിഗ്രി സെല്ഷ്യസും തിരുവനന്തപുരത്ത് 36 ഡിഗ്രി സെല്ഷ്യസ് വരെയും താപനില ഉയരാന് സാധ്യതയുണ്ട്. പകല് സമയത്ത് നേരിട്ട് ശരീരത്തില് വെയില് ഏല്ക്കുന്ന ജോലി ചെയ്യുന്നവര് പ്രത്യേക ജാഗ്രത പാലിക്കണം. ധാരാളം വെള്ളം കുടിക്കുകയും ജലാംശമുള്ള പഴങ്ങളും മറ്റും കഴിക്കണം.