Publish Date: Thu, 03 Nov 2022 (11:49 IST)
Updated Date: Thu, 03 Nov 2022 (11:51 IST)
താന്‍ ആര്‍എസ്എസുകാരെ നിയമിച്ചെന്ന് തെളിയിച്ചാല്‍ രാജിവയ്ക്കാന്‍ തയ്യാറാണെന്ന് ഗവര്‍ണര്‍ ആരിഫ് മുഹമ്മദ് ഖാന്‍ വ്യക്തമാക്കി. മുഖ്യമന്ത്രി പിണറായി വിജയന്റെ ആരോപണങ്ങളെ വെല്ലുവിളിച്ചാണ് ഗവര്‍ണര്‍ രംഗത്ത് എത്തിയിട്ടുള്ളത്. മുഖ്യമന്ത്രിസ്ഥാനം തിരിച്ചറിഞ്ഞു വേണം സംസാരിക്കേണ്ടതെന്നും താന്‍ ആര്‍എസ്എസുകാരെ നിയമിച്ചിരുന്ന തരത്തിലുള്ള ഒരു സംഭവമെങ്കിലും ചൂണ്ടിക്കാട്ടണമെന്നും ഗവര്‍ണര്‍ വെല്ലുവിളിച്ചു. അതേസമയം ഇന്നലെ ഗവര്‍ണര്‍ക്കെതിരെ മുഖ്യമന്ത്രി രൂക്ഷമായ വിമര്‍ശനങ്ങള്‍ ഉന്നയിച്ചിരുന്നു.
