വൈക്കത്ത് 14 പേരെ കടിച്ച നായയ്ക്ക് പേവിഷബാധ സ്ഥിരീകരിച്ചു. മറവന്‍തുരുത്ത് മൃഗാശുപത്രിയില്‍ നിരീക്ഷണത്തില്‍ തുടരുന്നതിനിടെയാണ് കഴിഞ്ഞ ദിവസം നായ ചത്തത്. പിന്നാലെ നായയുടെ ജഡം തിരുവല്ലയിലെ മൃഗസംരക്ഷണ വകുപ്പിന്റെ വൈറോളജി ലാബിലേക്ക് പോസ്റ്റുമോര്‍ട്ടത്തിനായി അയച്ചിരുന്നു.
അതേസമയം കടിയേറ്റവര്‍ക്ക് കൃത്യമായി കുത്തിവയ്പ്പ് നല്‍കിയെന്നും ഭയപ്പെടേണ്ട കാര്യം ഇല്ലെന്നും മറവന്‍തുരുത്ത് പഞ്ചായത്ത് വ്യക്തമാക്കി.
