ബംഗാള് ഉള്ക്കടലിലെ ന്യൂനമര്ദം; കേരളത്തില് വരുംദിവസങ്ങളില് മഴയ്ക്ക് സാധ്യത
ന്യൂനമര്ദത്തിന്റെ സ്വാധീനഫലമായി തമിഴ്നാട്ടിലും വരുംദിവസങ്ങളില് മഴ ലഭിക്കുമെന്നാണ് പ്രവചനം
Publish Date: Fri, 23 Dec 2022 (08:28 IST)
Updated Date: Fri, 23 Dec 2022 (08:30 IST)
ബംഗാള് ഉള്ക്കടലില് രൂപപ്പെട്ട ന്യൂനമര്ദത്തിന്റെ സ്വാധീനഫലമായി കേരളത്തില് വരുംദിവസങ്ങളില് ഒറ്റപ്പെട്ട സാധാരണ മഴയ്ക്ക് സാധ്യത. വടക്ക് പടിഞ്ഞാറന് ദിശയില് സഞ്ചരിക്കുന്ന ന്യൂനമര്ദം വരും മണിക്കൂറുകളില് ശ്രീലങ്ക വഴി കോമറിന് തീരത്തേക്ക് നീങ്ങാന് സാധ്യതയെന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം. ഇതിന്റെ സ്വാധീനഫലമായി തിരുവനന്തപുരം, കൊല്ലം ജില്ലകളില് തിങ്കളാഴ്ച ശക്തമായ മഴയ്ക്ക് സാധ്യത. ജാഗ്രതയുടെ ഭാഗമായി ഈ ജില്ലകളില് ഡിസംബര് 26 ന് യെല്ലോ അലര്ട്ട് പ്രഖ്യാപിച്ചിട്ടുണ്ട്.
ന്യൂനമര്ദത്തിന്റെ സ്വാധീനഫലമായി തമിഴ്നാട്ടിലും വരുംദിവസങ്ങളില് മഴ ലഭിക്കുമെന്നാണ് പ്രവചനം. ഞായര്, തിങ്കള് ദിവസങ്ങളില് തമിഴ്നാട്ടില് മഴ ലഭിക്കും. തമിഴ്നാടിന്റെ തെക്കന് കടലോര പ്രദേശങ്ങളില് ശക്തമായ മഴ ലഭിക്കാന് സാധ്യതയുള്ളതിനാല് ജാഗ്രത പാലിക്കാനും മുന്നറിയിപ്പ്.