Publish Date: Thu, 21 Sep 2023 (08:56 IST)
Updated Date: Thu, 21 Sep 2023 (08:58 IST)
മൂന്നാഴ്ചക്കിടെ സംസ്ഥാനത്ത് ഡെങ്കിപ്പനി ബാധിച്ച് മരിച്ചത് 22 പേര്. കഴിഞ്ഞ ദിവസം മാത്രം 89 പേര്ക്കാണ് ഡെങ്കിപ്പനി സ്ഥിരീകരിച്ചത്. ഡെങ്കിപ്പനി ലക്ഷണങ്ങളോടെ 141 പേരാണ് ചികിത്സ തേടിയത്. അതേസമയം 20 ദിവസത്തിനിടെ ഒന്നര ലക്ഷത്തിലേറെ പേര് പനിബാധിച്ച് ചികിത്സ തേടിയെന്നാണ് കണക്ക്.
ഈഡിസ് വിഭാഗത്തില്പ്പെട്ട കൊതുകുകള് മനുഷ്യവാസത്തിനടുത്തുള്ള ശുദ്ധജലം ലഭിക്കുന്ന സ്ഥലങ്ങളിലാണ് മുട്ടയിട്ട് വളര്ന്ന് വലുതാകുന്നത്. ഇവ പകല് സമയത്താണ് മനുഷ്യനെ കടിക്കുക. രോഗാണുബാധിതനായ വ്യക്തിയെ കടിക്കുന്ന കൊതുകുകള് 7 ദിവസങ്ങള്ക്ക് ശേഷം മറ്റുള്ളവരിലേക്ക് രോഗം പരത്തും. ഒരിക്കല് രോഗാണുവാഹകരായി മാറുന്ന കൊതുകുകള് തുടര്ന്നുള്ള കാലമത്രയും മറ്റുള്ളവരിലേക്ക് രോഗം പരത്തും. എല്ലാ പ്രായത്തിലുള്ളവരെയും രോഗം ബാധിക്കാം. കൊതുക് കടിച്ച് രണ്ട് ദിവസം മുതല് 7 ദിവസത്തിനകം രോഗ ലക്ഷണങ്ങള് പ്രത്യക്ഷപ്പെടും. വൈറസ് മൂലമുണ്ടാകുന്ന മഞ്ഞപ്പിത്തം, ചിക്കുംഗുനിയാ എന്നീ പനികള് പകരുന്നതിനും പ്രധാന കാരണം ഈഡിസ് കൊതുകുകള് തന്നെയാണ്. ശരീരത്തിന്റെ പ്രതിരോധ വ്യവസ്ഥയെ അമിതമായി ബാധിക്കും.
