ഇത് പാർട്ടിയെയോ പിണറായിയെയോ ഒരു ചുക്കും ചെയ്യില്ല; ഇ.ഡി പരിശോധനയിൽ രൂക്ഷമായി പ്രതികരിച്ച് സിപിഎം

മുഖ്യമന്ത്രി വി.ഡി.സതീശൻ ഡൽഹിയിലെത്തി പ്രധാനമന്ത്രി നരേന്ദ്ര മോദിയെ കണ്ടതിനു പിന്നാലെയാണ് കേന്ദ്ര ഏജൻസി പിണറായി വിജയന്റെ വീട്ടിൽ പരിശോധന നടത്താനെത്തിയത്

പ്രതിപക്ഷ നേതാവ് പിണറായി വിജയന്റെ വീട്ടിൽ കേന്ദ്ര അന്വേഷണ ഏജൻസിയായ ഇ.ഡി നടത്തുന്ന പരിശോധനയ്‌ക്കെതിരെ സിപിഎം. പാർട്ടിയെയോ പിണറായി വിജയനെയോ ഇത് തെല്ലും ഭയപ്പെടുത്തുന്നില്ലെന്ന് സിപിഎം പ്രതികരിച്ചു. 

' സഖാവ് പിണറായി വിജയന്റെ വസതിയിൽ നടന്ന ഇ.ഡി റെയ്ഡിനെ സിപിഎം അപലപിക്കുന്നു. പ്രതിപക്ഷ നേതാവിനെതിരായ ബിജെപിയുടെ ആസൂത്രണമാണിത്. ഇത്തരം നടപടികൾ പാർട്ടിയെയോ പിണറായിയെയോ തെല്ലും ഭയപ്പെടുത്തില്ല. ഈ റെയ്ഡിൽ യുഡിഎഫ് സർക്കാരിനും പങ്കുണ്ടോ?,' സിപിഎം പ്രസ്താവനയിൽ പറഞ്ഞിരിക്കുന്നു. 

മുഖ്യമന്ത്രി വി.ഡി.സതീശൻ ഡൽഹിയിലെത്തി പ്രധാനമന്ത്രി നരേന്ദ്ര മോദിയെ കണ്ടതിനു പിന്നാലെയാണ് കേന്ദ്ര ഏജൻസി പിണറായി വിജയന്റെ വീട്ടിൽ പരിശോധന നടത്താനെത്തിയത്.