Publish Date: Mon, 16 Aug 2021 (09:58 IST)
Updated Date: Mon, 16 Aug 2021 (10:04 IST)
വയനാട് സമ്പൂര്‍ണ വാക്‌സിനേറ്റഡ് ജില്ലയായെന്ന് കലക്ടര്‍ അദീല അബ്ദുള്ള. വയനാട് ജില്ലയില്‍ 18 വയസിന് മുകളില്‍ പ്രായമുള്ളവരില്‍ ലക്ഷ്യംവച്ച മുഴുവന്‍ പേര്‍ക്കും ആദ്യ ഡോസ് നല്‍കിയെന്ന് കലക്ടര്‍ പറഞ്ഞു. കോവിഡ് പോസിറ്റീവായവര്‍, ക്വാറന്റൈനിലുള്ളവര്‍, വാക്‌സിന്‍ നിഷേധിച്ചവര്‍ എന്നിവരെ ഈ വിഭാഗത്തില്‍ നിന്നും ഒഴിവാക്കിയിട്ടുണ്ടെന്നും അദീല അബ്ദുള്ള ഫെയ്സ്ബുക്ക് പോസ്റ്റില്‍ പറഞ്ഞു. ജില്ലയില്‍ 6,16,112 പേര്‍ക്കാണ് ആദ്യ ഡോസ് വാക്‌സിന്‍ നല്‍കിയത്. 2,13,311 പേര്‍ക്കാണ് രണ്ടാം ഡോസ് (31.67 ശതമാനം) വാക്‌സിന്‍ നല്‍കിയെന്നും കലക്ടര്‍ പറഞ്ഞു.
