കൊട്ടാരക്കര: നിരവധി ശാഖകൾ ഉള്ള ചിട്ടിഫണ്ട് സ്ഥാപനമായ കേച്ചേരി ചിട്ടിഫണ്ട് ഉടമ അറസ്റ്റിലായി. നിക്ഷേപകർക്ക് പണം തിരികെ നൽകാതെ മുങ്ങിയതിനാണ് ചിട്ടിഫണ്ട് ഉടമ വേണുഗോപാലിനെ പോലീസ് അറസ്റ്റ് ചെയ്തത്.
നിക്ഷേപകർ തന്നെയാണ് ഒളിവിൽ കഴിഞ്ഞ ഇയാളെ പിടികൂടി പോലീസിൽ ഏൽപ്പിച്ചത്. താമരക്കുറ്റിയിലെ ഒരു വീട്ടിൽ നിന്നാണ് നിക്ഷേപകർ ഇയാളെ കണ്ടെത്തിയതും പൊലീസിന് കൈമാറിയതും.
കൊട്ടാരക്കര സി.ഐ യുടെ നേതൃത്വത്തിൽ എത്തിയ പോലീസ് സംഘമാണ് വേണുഗോപാലിനെ അറസ്റ്റ് ചെയ്തത്. ലക്ഷക്കണക്കിന് രൂപ ഇയാൾ ചിട്ടിഫണ്ടിന്റെ മറവിൽ നിക്ഷേപകർക്ക് നല്കാനുണ്ടെന്നാണ് സൂചന. കൂടുതൽ വിവരങ്ങൾ അറിവായിട്ടില്ല.
